‘‘என் பையன் இப்போல்லாம் இவ்வளவுதான் சாப்பிடணும்னு ஸ்டிரிக்டா ஆர்டர் போட்டுட்டேன்!’’‘‘என் பொண்ணு லைட்டா குண்டாகிட்டா... உடனே நான் பக்கா டயட் ஷீட் போட்டு அவளை ஃபாலோ பண்ண சொல்லிட்டேன்...’’அம்மாக்கள் மத்தியில் சமீபத்திய ஊரடங்கு உரையாடல்கள் இவைதான்.

குழந்தைகளுக்கு டயட், உணவுக் கட்டுப்பாடு நல்லதா... கெட்டதா... என்ற கேள்வியை நிபுணர்களிடம் முன்வைத்தோம். ‘‘குழந்தைகளுக்கு டயட்டோ உணவுக் கட்டுப்பாடோ எதுவும் விதிக்கவே கூடாது...’’ என அழுத்தம்திருத்தமாக பேசத் தொடங்கினார் நியூட்ரிஷன் மற்றும் டயட் கண்ட்ரோல் நிபுணரான மரியா பிரியங்கா.‘‘குறிப்பா 12 வயது வரை உடல் வளர்ச்சிக்கும் மூளை வளர்ச்சிக்கும் உணவு மிக மிக அவசியம்.

இந்தச் சூழல்ல உணவு மட்டும்தான் குழந்தைகளுக்கு இருக்கற ஒரே சந்தோஷம். இதிலும் கட்டுப்பாடு, அட்டவணைப்படி தான் சாப்பிடணும்னா அவங்க நிலைகுலைஞ்சு போயிடுவாங்க...’’ என்னும் மரியா, எப்படிப்பட்ட ஊட்டச்சத்து உணவுகளை குழந்தைகளுக்கு கொடுக்க வேண்டும் என்பதையும் விளக்கினார்.  ‘‘கோடைகாலத்துலதான் நம்ம நாட்டைப் பொறுத்தவரை கொரோனா ஆதிக்கம் அதிகமா இருக்கு. வீட்ல அடைப்பட்டு இருக்கிற காலமும் இதுதான். கேட்ஜெட்ஸ், மொபைல், டிவி, கம்ப்யூட்டர் பயன்பாடு இக்காலத்துல அதிகரிச்சிருக்கு.

இது தவிர வெறுமனே சாதம், இட்லி, தோசைனு கொடுக்காம காய்கறிகள், கீரைகளை அதிகம் சேர்ப்பது நல்லது. முட்டை, பால், இறைச்சி வகைகளும் அதிகம் சேர்க்கலாம். இறைச்சி வேண்டாம்னா பனீர், நெய், வெண்ணெய் போன்றவற்றை அதிகம் சேர்த்துக்கலாம்.குறிப்பா குழந்தைகளுக்கு வெளி உணவுகளை வாங்கிக் கொடுக்கக் கூடாது.

இந்த விஷயத்துல பெரியவங்களும் கட்டுப்பாடா இருக்கணும். முக்கியமா ‘ஸ்கூல்தான் இல்லையே’னு காலை 10 - 11 வரை தூங்க அனுமதிக்கக் கூடாது. பள்ளி இருக்கோ இல்லையோ காலை ஏழு மணிக்குள் எழுப்பி 8 - 8.30க்கு காலை உணவைக் கொடுக்கணும். அதன் பிறகு குழந்தைகளை தூங்க வைக்கலாம்...’’ என பிரியா முடிக்க, தொடர்ந்தார் ஃபிட்னஸ் பயிற்சி யாளரும் ஆலோசகருமான அசோக் விஸ்வநாத்.‘‘எவ்வளவு சீக்கிரம் தூங்கி எவ்வளவு சீக்கிரம் எழுந்திருக்கிறோமோ அவ்வளவு உடலுக்கு நல்லது.