அணி, தொடர் தோல்விகளில் துவண்டுகொண்டிருக்கும் போதும் கூட ஏதோ ஒரு வீரர் சர்வதேச சாதனைகளைச் செய்துகொண்டே இருப்பார்.

பேட்டிங், பவுலிங், ஃபீல்டிங் என்று கிரிக்கெட்டின் அத்தனை துறைகளிலும் எப்போதும் ஒரு மாஸ்டரைக் கொண்டிருக்கும் அணியாகவே இந்திய அணி கடந்த 50 ஆண்டுகளுக்கும் மேலாக விளங்கி வருகிறது.1996 உலகக் கோப்பை தோல்விக்குப் பிறகு இந்திய அணியில் ஒரு குறிப்பிடத்தக்க மாற்றம் ஏற்பட்டது.

கிரேக் சாப்பல், இந்திய அணிக்கு பயிற்சியாளரானதும் இந்த நட்சத்திர ஆதிக்கத்தை ஒடுக்க நினைத்தார்.அணி என்பது கூட்டு முயற்சி, தனிப்பட்ட வீரர்களின் நட்சத்திர அந்தஸ்தால் தனிப்பட்ட அவர்களுக்குத்தான் பெருமையே தவிர, அணிக்கு எந்தவித லாபமும் இல்லை என்று கருதினார்.

இலங்கையில் நடந்த முத்தரப்பு ஒரு நாள் கிரிக்கெட் தொடரில் சொதப்பியிருந்த தோனிக்கு, ஒரு வாய்ப்பு வழங்கும் விதமாகவோ என்னவோ இலங்கை அணியின் இந்திய சுற்றுலா அமைந்தது.

கிரேக் சாப்பலின் கறாரான கண்காணிப்பு, அணியின் முன்னணி வீரர்களின் ஃபார்ம் குறித்த விவாதங்கள் ரசிகர்களிடையே சூடு பிடித்துக் கொண்டிருந்தது போன்ற சூழலில் அப்போதைய உலகின் நெம்பர் 2 அணியோடு இந்திய அணிக்கு தொடர்.தன்னை நோக்கி எழுப்பப்படும் கேள்விகளுக்கு எப்போதுமே கிரிக்கெட் பேட்டால்தான் பதில் சொல்வார் சச்சின்.

சாப்பல், அதுவரைக்கும் சச்சினை எதுவும் கேட்கவில்லை.இருப்பினும் -இன்று கங்குலியைக் கேட்பவர், நாளை நம்மையும் கேட்க எவ்வளவு நேரம் ஆகுமென்று நினைத்தாரோ என்னவோ, இலங்கை அணியை முதல் இரண்டு போட்டிகளில் போட்டு வெளுத்தார் சச்சின்.

தொடர்ந்து இரு போட்டிகளிலும் சச்சின் ‘ஷைன்’ ஆகி இந்தியா வெல்ல, மூன்றாவது போட்டி புனே நகரில் நடக்க இருந்தது.போட்டி நடக்க இருந்த நாளுக்கு முதல் நாள் ஒரு டிஸ்கொதே நிகழ்ச்சியில், புனே நகரத்து விஐபிகள் தந்த வரவேற்பில் இந்திய அணியினர் கலந்து கொள்ள வேண்டியிருந்தது.

முதலில் வந்தவர் யுவராஜ்சிங்தான். அடிப்படையிலேயே ஜோவியலான குணம் கொண்ட யுவராஜ், ஒரு பார்ட்டி பறவையும் கூட.