கிணறு தோண்டப் போய் பூதம் வந்த கதையாக, இந்திப் படவுலகில் சுஷாந்த் சிங்கின் தற்கொலை குறித்து விசாரிக்கப் போய்... இப்போது அது போதைப் பொருள் பயன்படுத்தும் விவகாரத்தில் வந்து நிற்கிறது. சுஷாந்தின் காதலி ரியா சக்கரவர்த்தி போதைப் பொருளை வாங்கி விற்றார்... பயன்படுத்தினார்... என அதிரடி குண்டை தூக்கிப் போட்டிருக்கிறார்கள்.

‘யாரிந்த ரியா?’ என கேள்வி எழுவதற்குள்... அடுத்த குண்டை கன்னட திரையுலகம் வீசியிருக்கிறது. அங்கே நடிகைகள் ராகினி திவேதி, சஞ்சனா கல்ராணி என அடுத்தடுத்து போதைப் பொருள் விவகாரத்தில் கைது செய்யப்பட்டிருப்பது மொத்த சினிமா இண்டஸ்ட்ரீயையுமே அதிர்ச்சியடைய வைத்திருக்கிறது.

‘‘இன்னிக்கு உலகம் முழுக்க போதைப் பழக்கம் அதிகரிச்சிருக்கு. நம்ம கோடம்பாக்கத்துலயும் இருக்கு. ஆனா, இந்தி, கன்னட இண்டஸ்ட்ரீ அளவுக்கு இல்ல. அங்க பயன்படுத்தப்படுகிற அயிட்டங்கள் எல்லாம் இன்னும் இங்க எட்டிப் பார்க்கலை.

ஆனா, சினிமா பேக்ரவுண்டே இல்லாம வந்த சேது நடிகரும் சிவா நடிகரும் இன்னைக்கு டாப் கியர்ல பயணிக்கிறாங்க.

‘‘ஏதோ இது இப்ப நிலவும் பிரச்னைனு நினைக்காதீங்க...’’ என்றபடியே பேசத் தொடங்கினார் பழம்பெரும் இயக்குநர் ஒருவர்.

கன்னடத்தில் கைதாகியுள்ள நடிகைகள் எல்லாம் தமிழ்ப் படங்களிலும் நடித்தவர்கள்தான். ராகினி திவேதி (‘நிமிர்ந்து நில்’), அனிகா (‘ஆம்பள’), சஞ்சனா (‘ஒரு காதல் செய்வீர்’) என பட்டியல் நீள்வதால் போதைத் தடுப்பு போலீசாரின் பார்வை கோலிவுட் பக்கமும் விழுந்திருக்கிறது.