தல! sixers story-12

சீக்ரெட் ஆஃப் சிக்சர்ஸ்!

சிறுவயது தோனி அமைதியானவர் மட்டுமல்ல. சற்றே பிடிவாதமானவரும் கூட.பள்ளி அணியில் விளையாடிக் கொண்டிருந்தபோது, தங்களுக்கு வழங்கப்படும் பேட் சற்றே தரம் குறைந்திருப்பதைக் கண்டார்.ஆனால், ஸ்டிக்கர் எல்லாம் பளபளப்பாக ஒட்டி ஆடம்பரமான பேட் போல காட்சியளிக்கும்.

அந்த பேட்டுகளை பள்ளிக்கு டெண்டர் முறையில் சப்ளை செய்துகொண்டிருந்தவரிடம், “கொஞ்சம் நல்ல பேட்டா தரக் கூடாதாண்ணா?” என்று கேட்டார்.“ஆமாம், இவரு பெரிய ஸ்ரீகாந்து. இம்ரான்கானை எதிர்த்து விளையாடப் போறாரு…” என்று அவர் கிண்டலடித்தார்.

அன்றிலிருந்து பள்ளி கொடுக்கும் பேட்டை வைத்துக் கொண்டு கிரிக்கெட் ஆடுவதில்லை என்று முடிவெடுத்தார்.தோனியின் வீட்டில் ஒரு பழைய பேட் இருந்தது. ஹேண்டில் எல்லாம் ஆடிப்போய் இருக்கும்.அந்த பேட்டை எடுத்து தனக்குத் தெரிந்த கடைக்காரரிடம் கொடுத்து கொஞ்சம் சரி செய்தார். ரப்பர் ஹேண்ட் க்ரிப் வாங்கிப் போட்டார்.