இந்த வருடம் பொங்கலுக்கு ரிலீசாகி வசூலில் சாதனை படைத்த தெலுங்குப் படம் ‘அலா வைகுந்தபுரம்லோ’. பலமுறை அடித்து துவைத்து காயப்போட்ட ஆள்மாறாட்ட, குடும்ப சென்டிமெண்ட் கதைதான்.

இருந்தாலும் அதில் புதுமை காட்டி நம்மை 165 நிமிடங்களுக்கு எங்கேயும் நகராமல் உட்கார வைத்திருப்பதே இப்படத்தின் வெற்றி.ஒரு நிறுவனத்தில் கிளார்க்காக வேலை பார்த்து வந்தவர்கள் வால்மீகியும் ராமச்சந்திராவும். அந்த நிறுவனத்தின் முதலாளியின் மகளைக் காதலித்து திருமணம் செய்து பெரும் பணக்காரராகிவிடுகிறார் ராமச்சந்திரா. ஆனால், வால்மீகியோ அப்படியே ஏழையாகவே இருக்கிறார்.