ரோபோட்டிக் ஸ்ட்ரெக்சர் ஆம்புலன்ஸ்!

கொரோனாவால் இறந்தவர்களை அடக்கம் செய்ய வந்தாச்சு...

இன்று மனித வாழ்வின் அத்தனை அர்த்தங்களையும் கண்ணுக்குத் தெரியாத ஒரு வைரஸ் தலை கீழாகப் புரட்டிப் போட்டு அச்சம் கொள்ளச் செய்துள்ளது.தங்களின் உயிருக்குயிரானவர்களை இழந்தவர்கள், உடலைத் தொடவும் முடியாமல், நெருங்கவும் முடியாமல், இறுதிப் பயணத்திலும் பங்கேற்க முடியாமல் கோவிட் வைரஸால் மனித மனம் படும்பாடு வார்த்தைகளால் வடிக்க முடியாதது.  

குடும்பத்தினரும், உறவினர்களும் தூரத்தில் நின்று உடலைப் பார்க்க முடியாமலே கதறுவதும்... தினம் தினம் கொல்லாமல் கொல்கிறது இந்த கொடிய அரக்கன்.கொரேனாவால் இறந்தவர்களது உடல் அடக்கம் மிகப் பெரும் துயரமாக மாறி நிற்க... தொற்று அச்சத்தில், இறந்தவரது உடல்களை ஜேசிபி இயந்திரம் கொண்டு அகற்றுவது, பயத்தால் குழிக்குள் உடலை தூக்கி வீசுவது, ஆள் இல்லாத ஒதுக்குப் புறங்களில் உடல்களை போட்டுவிட்டு வருவது என நாளுக்கு நாள் துயரங்கள் தொடர்கின்றன.  

கொரோனாவால் இறந்தவர்களது உடல் அடக்கம் மிகப் பெரும் துயரமாக மாறி நிற்க... தொற்று அச்சத்தில், இறந்தவரது உடல்களை ஜேசிபி இயந்திரம் கொண்டு அகற்றுவது, பயத்தால் குழிக்குள் உடலை தூக்கி வீசுவது, ஆள் இல்லாத ஒதுக்குப் புறங்களில் உடல்களை போட்டுவிட்டு வருவது என நாளுக்கு நாள் துயரங்கள் தொடர்கின்றன.  

இது காண்பவர் மனதை கலங்கடிக்கிறது. மனிதத் தன்மையற்ற இந்த செயலுக்கு முடிவு கட்டும் எண்ணத்திலும், களப் பணியாளராகச் செயல்படும் ஆம்புலன்ஸ் ஊழியர்கள் மற்றும் உடல் அடக்கம் செய்யும் மயானப் பணியாளர்களை பாதுகாக்கும் விதமாகவும் சென்னையைச் சேர்ந்த எம்ஆட்டோ (Mauto) மற்றும் ஷாபி (Zafi Robot) ரோபோ நிறுவனம் இணைந்து, இறந்த உடல்களை முழு மரியாதையோடு பாதுகாப்பாக நல்லடக்கம் செய்யும் ரோபோட்டிக் ஸ்ட்ரெக்சரை குறுகிய காலத்தில் உருவாக்கியுள்ளனர்.