சிவகார்த்திகேயனின் ‘காக்கிசட்டை’யில் சின்ஸியர் நர்ஸ்; ஆர்யாவின் ‘வாசுவும் சரவணனும் ஒண்ணா படிச்சவங்க’ளில் ட்யூனர் கௌசல்யா; ‘இனிமே இப்படித்தானி’ல் சந்தானத்தின் மனைவி... என தமிழில் காமெடியும் எமோஷனலுமான கேரக்டர்களில் பிச்சு உதறியவர் வித்யுலேகா ராமன்.

2019 தொடக்கத்திலே புத்தாண்டு சபதம் எடுக்கும்போது கூட என் வெயிட்டை குறைக்கணும்னு தீர்மானம் போட்டிருக்கேன். ஒரு கட்டத்துக்கு மேல உடல் எடை என் மனசையும் பாதிக்க ஆரம்பிச்சதும், வெயிட் குறைக்கறதுக்கான வேலைகளை ஆரம்பிச்சேன்.

ஒருநாள் யோகா பண்ணினேன். ஆயுர்வேதா எடுத்துக்கிட்டேன். ரொம்பவே பத்திய சாப்பாடு சாப்ட்டேன். மூணு, நாலு மாசம் யோகா அண்ட் ஆயுர்வேதாவிலேயே ஓரளவு மாற்றம் தெரிஞ்சது. 80 கிலோ வந்துட்டேன்.

அப்புறம், ஃப்ரெண்ட்ஸ் மூலமா கீட்டோ டயட் பத்தி தெரிஞ்சது. அதுல கொழுப்பு அதிகம் எடுத்துக்கணும். கார்போ ஹைட்ரேட்ஸ் குறைவா இருக்கும். நான் மீடியம் ஃபேட்தான் எடுத்தேன். அதுலேயே நல்ல மாற்றம் தெரிஞ்சது. 70 கிலோ வந்துட்டேன்.

ஜூலை 19ல எல்லாம் 72 கிலோல இருந்திருக்கேன். அப்புறம் என் பர்சனல் ட்ரெயினர் நவீன், நிறைய கைட் பண்ணினார். அவர் சொன்ன ஒர்க் அவுட் பண்ணும்போது, ‘ஐயோயோ... நான் குண்டாவே இருந்துடறேன்’னு கூட அவர்கிட்ட சொல்லியிருக்கேன். அப்படி ஒரு ஒர்க் அவுட் அது.