காதல் பத்தி நான் கணிச்சு சொல்ற அளவுக்கு காதல் பலவீனமானதில்ல. அது கடல் மாதிரியே உலகத்தை முக்கால்வாசிக்கு மேலே கையில் எடுத்திருக்கு. கிராமங்கள்ல சிறுதெய்வச் சிலைகளுக்கு கண் திறக்குற வைபவம் நடக்கும். அது ஒரு நிகழ்வு. கண் திறந்தா அது தெய்வமாகிடும்.

அதுமாதிரி இந்த உலகத்தை நாம் பார்க்குற வினாடியே காதல் தொடங்குது. பெண் மீதான முதல் கவன ஈர்ப்பே, இந்த உலகத்தின் மீதான கண் திறப்புதான். என்னோட பால்யம் நிறைய கேள்விகளுக்கு பதில் கிடைக்காத பருவம். இந்த வாழ்க்கையை மறக்கடிக்க, கடக்க பல வழிகள் இருந்துச்சு. நான் தேர்ந்தெடுத்தது பெண் வழி. அம்மா, அக்கா, அண்ணி, தங்கையைப் பார்க்கிறேன்.

நான் தூங்கிட்டு இருக்கும்போது கூட என் முகம் பார்த்து பிரச்னையின் வடிவத்தை அவளால் புரிந்து கொள்ள முடியும்.