நாலு சனம் கைதட்டுறதையும் நல்லாயிருக்குனு சொல்றதையும் காதாரக் கேட்க அவ்வளவு சொகம்யா!

நெகிழ்கிறார் முதல்முறையாக டாக்டர் பட்டம் பெற்றிருக்கும் கூத்துக் கலைஞர்

கூத்துக்கலையை உயர்த்திப் பிடிக்கும் புரிசை கண்ணப்ப சம்பந்தனுக்கு கௌரவ டாக்டர் பட்டம் அளிக்கப்பட்டுள்ளது. ஒரு கூத்துக் கலைஞருக்கு டாக்டர் பட்டம் கிடைத்திருப்பது இதுவே முதல்முறை. இதை அளித்ததின் மூலம் தமிழ்நாடு ஜெ.ஜெயலலிதா இசை மற்றும் கவின்கலைப் பல்கலைக்கழகம் பெருமையடைகிறது.

வழிவழியாகப் பற்றி வந்த பாரம்பரியத்தை யாதொரு குந்தகமும் ஏற்படாமல் நாளுக்கு நாள் கலையை மென்மேலும் முன்னுக்குக் கொண்டு வந்தவர் சம்பந்தன். அவரின் வற்றாத குரல் வளமும் வாகான உடல் மொழியும், வேண்டிய அடவசைவுகளும், பாவங்களும், எடுத்துக் கொள்ளும் சிரத்தைகளும் பிரசித்தி பெற்றவை.

உலகம் முழுமையும் சுற்றி வந்து கூத்தின் ஆட்டப்பரப்புக்கு மனமுவந்து கையளிப்பு செய்தவரை வந்தனம் செய்துவிட்டு பேச்சைத் தொடங்கினோம்.
என்ன விதத்தில் இந்த விருது உங்களைச் சந்தோஷப்படுத்துகிறது?