மக்கள் தொகையில் பாதிப் பேருக்குத்தான் கடவுள் நம்பிக்கையே உண்டு. மீதிப் பேர் ரோமன் கத்தோலிக்கர்கள். ஸ்பானிஷ்தான் உருகுவேயின் மொழி.

உலகமெங்கும் ஓஷோவை ஆன்மீகவாதிகள் சில நிபந்தனைகளோடு ஏற்றுக்கொண்டார்கள். இந்தியாவில் தொடங்கி அமெரிக்கா வரை அவரை எதிரியாகக் கருதியவர்கள் அரசியல்வாதிகள் மட்டும்தான்.

பின்னாளில் அமெரிக்காவின் நிர்ப்பந்தத்துக்காக ஐரோப்பிய நாடுகளிலும் அரசியல், பகவானை எதிர்த்தது. ஆனால் -இந்த நிலைக்கு நேர்மாறாக உருகுவேயின் அரசியல்வாதிகள் அவரை வரவேற்றார்கள்.அயர்லாந்து அரசு சுமுகமாகப் பேசி ஓஷோவை வழி அனுப்பி வைத்தது.

பிரேசில் அதிகாரிகள் நேரடியாக விமானத்துக்கு வந்து எல்லோரையும் பரிசோதித்தார்கள். வெவ்வேறு நாடுகளுக்குப் போய்விட்டு வந்தவர்கள் என்பதால், அவர்கள் மூலமாக ஏதாவது தொற்றுநோய் தங்கள் நாட்டுக்குள் வந்துவிடுமோ என்று அவர்கள் அச்சப்பட்டனர். பகவானுக்குத் தேவையான முதலுதவி சிகிச்சைகள் அங்கே வழங்கப்பட்டன.

மூச்சுத்திணறல் இருந்ததால் அவருக்கு ஆக்சிஜன் மாஸ்க் வழங்கினார்கள்.

உருகுவே நாட்டில் அவர் நிம்மதியாக இருக்கிறார் என்று அங்கிருந்த அமெரிக்கத் தூதரக அதிகாரிகள், வாஷிங்டனுக்கு ரிப்போர்ட் அனுப்பி இருந்தார்கள்.அதன் அடிப்படையில் அமெரிக்காவின் வெளியுறவுத்துறை அதிகாரிகள் உருகுவேக்கு உடனடியாகப் பறந்து வந்தார்கள்.

“உங்களை வெளியேறச் சொல்ல எனக்கு மனமில்லை. அதே நேரம் கடன் என்கிற அடிமைப் பத்திரத்துக்கு நான் கையெழுத்துப் போட்டிருக்கிறேன்...” ஜூலியோவின் கண்கள் லேசாகக் கசிந்தன.தன்னுடைய நாட்டின் மீதும், மக்களின் மீதும் அவர் கொண்டிருந்த அளவற்ற நேசம் பகவானுக்குப் புரிந்தது.