பாலிவுட்டில் டாப் கியரில் பறக்கிறார் டாப்ஸி. மும்பையில் புது வீடு கட்டியிருக்கிறார். தென்னிந்திய படங்களைவிட இந்தியில்தான் அவரது கவனம் படபடக்கிறது. ‘‘இப்ப இந்தில மனசுக்கு  திருப்தியான நல்ல படங்கள் பண்றேன்.

‘பிங்க்’ வெளியான டைம்ல பாலிவுட்டில் நான் தெரியாத முகம். அமிதாப்பச்சன் மட்டுமே அந்தப் படத்தின் ஒரே மார்க்கெட் வேல்யூ உள்ளவர். ஆனா, அது வெளியாகி முதல் 3 நாளிலேயே டாக் ஆஃப் தி டவுனா மாறுச்சு. என் நடிப்பும் பேசப்பட்டுச்சு. எனக்கும் பாலிவுட் ஸ்டைல் செட் ஆச்சு. கொஞ்சமும் நான் எதிர்பார்க்காத விஷயம் அது.

நான் பார்ட்டி பறவை இல்ல. பார்ட்டிக்கு போறதும், நைட் கண்முழிக்கறதும் எனக்குப் பிடிக்காது. ராத்திரி 11 மணிக்கே தூங்கப் போயிடுவேன். மறுநாள் காலையில் ஏழு மணிக்கெல்லாம் கண்விழிச்சிடுவேன். இப்படியொரு கட்டுப்பாடான லைஃப் ஸ்டைல்ல வாழ்ந்துகிட்டு இருக்கேன்.