இது A படம்தான்! ஆனா ஆஸ்காருக்கு அனுப்புவேன்!

காதலை தேடி நித்யா நந்தா

இயக்குநர் ஆதிக் இரவிச்சந்திரன் சபதம்

‘‘இந்தப் படத்தோட ஃபர்ஸ்ட்லுக் ரிலீஸ் ஆன அன்னிக்கே, ‘இதுவும் அடல்ட் படமா’னு நிறைய பேர் ஆர்வமாகக் கேட்டாங்க! ‘அடல்ட்  கன்டன்ட்’னு அவங்க எதை மனசுல நினைச்சு கேட்குறாங்கனு புரியல.ஆனா, கண்டிப்பா இதுவும் ‘ஏ’ சர்டிபிகேட் படமாதான் இருக்கும்! என்  படங்கள்ல எப்பவும் பெண்களுக்கு கேவலமான ஷாட் வச்சு, வல்கரா காண்பிப்பது கிடையாது. அதுல எனக்கு உடன்பாடும் இல்ல.இது இளைஞர்களுக்கான படம். தியேட்டருக்கு பசங்களும் பொண்ணுங்களும் (நோட் திஸ் பாயின்ட். பொண்ணுங்கதான். நாட்,  பொம்பளைங்க!) மட்டும் வந்தா போதும். ஃபேமிலி ஆடியன்ஸ் யாரும் வர வேண்டாம்! குடும்பத்தோட பார்க்கிற மாதிரி வருங்காலத்துல  படம் இயக்குவேன்னு நம்பிக்கை இருக்கு!’’

வெளிப்படையாகப் பேசுகிறார் ஆதிக் இரவிச்சந்திரன். ‘த்ரிஷா இல்லனா நயன்தாரா’வுக்குப் பிறகு மீண்டும் ஜி.வி.பிரகாஷோடு ‘காதலை  தேடி நித்யா நந்தா’வாக வந்திருக்கிறார்!‘‘இந்தப் படம் இதுவரை நீங்க பார்த்திராத காவியம்... தமிழ் சினிமாவில் புது முயற்சி... இப்படி  எந்த பில்டப்பும் பண்ண விரும்பலை. ஒரு க்யூட்டான காதலுக்குள்ள ஃபேன்டஸியும் ஹாரரும் கலந்து கொடுத்திருக்கேன். சில  ஃப்ரெஷ்ஷான விஷயங்களும் படத்துல இருக்கு.‘ஏ’ சர்ட்டிபிகேட் படம்னாலும் கண்டிப்பா இதை ஆஸ்காருக்கு அனுப்புவேன்! அங்க இது  செலக்ட் ஆகுதா... ஆகலையானு எனக்குக் கவலை இல்ல! ஆஸ்கருக்கு அனுப்பப் போவது மட்டும் உறுதி!’’ சீரியசாக சொல்கிறார் ஆதிக்  இரவிச்சந்திரன்.

இந்த படம் டேக் ஆஃப் ஆனது எப்படி..?

‘த்ரிஷா இல்லனா நயன்தாரா’ படத்தோட செகண்ட் ஷெட்யூல் அப்பவே ஜி.வி. சாருக்கு என் மேல பெரிய நம்பிக்கை வந்திடுச்சு. ‘அடுத்து  என்ன கதை வச்சிருக்கீங்க’னு உரிமையா கேட்டார். சட்டுனு அவர்கிட்ட ஒரு ஒன்லைனை சொன்னேன். ‘சூப்பர். அதையும் நம்ம  காம்பினேஷன்லயே பண்ணுவோம்’னு சொன்னார்!‘த் இ ந’ பெரிய ஹிட் ஆனதும் அந்த ஸ்கிரிப்டை ரெடி பண்ண ஆரம்பிச்சேன். அதுக்குள்ள  அவர் நிறைய படங்கள்ல கமிட் ஆகிட்டார். பிடிக்க முடியல! வெயிட் பண்ணினேன். அப்படியும் அவர்  கால்ஷீட் கிடைக்கிற மாதிரி  தெரியல. அவ்வளவு டைட் பிசில இருந்தார்.

அந்த இடைவெளில வேற ஒரு ஹீரோவுக்கான படம் செய்துட்டு வரலாம்னு தோணுச்சு. அப்படி தொடங்கினதுதான் சிம்பு சாருக்கான  ‘அன்பானவன் அசராதவன் அடங்காதவன்’. அதோட கிளைமேக்ஸ்ல ஜி.வி. சார் சின்னதா ஒரு கேமியோ பண்ணியிருப்பார். அதோட  ஷூட்டிங் நடந்த அன்னிக்கே ‘அடுத்து நம்ம படத்தை தொடங்கிடலாம் ஆதிக்’னு நம்பிக்கை கொடுத்துட்டு போனார். ‘டிரிப்பிள் ஏ’ ரிலீஸ்  ஆச்சு. படம், மாபெரும் ரிசல்ட்! கண் கலங்கிட்டேன். கரெக்ட்டா அந்த டைம்ல ஜி.வி. சார் போன் செஞ்சார். ‘என்ன பண்றீங்க... ஃப்ரீயா  இருந்தா நம்ம ஆபீஸ் பக்கம் வாங்க’ன்னார். ‘ஃப்ரீயாகத்தான் இருக்கேன் செல்லக்குட்டி!’னு செல்லமா சொல்லி ஆரம்பிச்ச படம்தான் இது!  அறுபது பர்சன்ட் படப்பிடிப்பு ஊட்டிலயும் சென்னைலயும் நடந்திருக்கு. மீதமுள்ள படப்பிடிப்பை காரைக்குடியில் ஆரம்பிக்கிறோம்.

பெண்களுக்குப் பிடிச்ச படமா இருக்கும்னா... கதை பத்தி ஒரு லைனாவது சொல்லுங்க..?