கவிதை வனம்

பயண இலக்குகள்

இருசக்கர வாகனத்தில் நான்
ஆகாயத்தில் ஒரு காக்கை
சாலையில் பேருந்து
வேறு வேறு திசைக்கோட்டில் பயணித்தோம்
என் இலக்கு தெரிகிறது எனக்கு
காக்கையின் இலக்கும்
பேருந்தின் இலக்கும் தெரியவில்லை
ஆகாய காக்கை
என் மேல் மோதி
பேருந்தின் முகப்பில் தூக்கி
எறியப்படும் வரை
தெரிந்திருக்கவில்லை
வெவ்வேறு பயணங்களின் இலக்கு
ஒரு விபத்தாகவும் இருக்கும் என்று