ஹீரோவுக்காக காத்திருக்க மாட்டேன்! ‘கோமாளி’ இயக்குநர் சொல்கிறார்

‘கோமாளி’ வெற்றியின் மூலம் ரசிகர்களின் நம்பிக்கைக்குரிய இயக்குநராக மாறியுள்ளார் ப்ரதீப் ரங்கநாதன். குறும்படங்கள் மூலம் சினிமா வாய்ப்பு பெற்றதாகச் சொல்லும் ப்ரதீப் ரங்கநாதனிடம் பேசினோம்.“தம்பிக்கு எந்த ஊரு?”

“பிறந்தது, வளர்ந்தது எல்லாமே சென்னை. படிச்சது என்ஜினியரிங். படிப்பு முடிந்ததும் ஐடி நிறுவனத்தில் வேலைக்குச் சேர்ந்தேன். கல்லூரியில் படிக்கும்போதே குறும்படங்களை இயக்க ஆரம்பித்துவிட்டேன். முதன் முதலாக இயக்கிய குறும்படத்துக்கு நல்ல வரவேற்பு கிடைத்தது. அந்த உற்சாகத்தில் தொடர்ந்து குறும்படங்கள் பண்ணலாம் என்று முடிவு எடுத்து ஏராளமான குறும்படங்கள் பண்ணினேன்.

அதே சமயத்தில் விளம்பரப் படங்களையும் பண்ணினேன். அப்போது குறும்பட இயக்குநர்களுக்கான ஒரு போட்டி நடைபெற்றது. அதுக்காக டெல்லி கணேஷ் சார் நடித்த ‘அப்பா லாக்’ என்ற குறும்படம் பண்ணியிருந்தேன். அது சோஷியல் மீடியாவில் செம வைரலானது. அதைப் பார்த்துவிட்டு நிறைய தயாரிப்பு நிறுவனங்களிடமிருந்து அழைப்பு வந்தது. எனக்கும் சினிமாவில் நுழைவதற்கு அந்த குறும்படம் அடையாளமாக இருந்தது.

அப்படி அமைந்த வாய்ப்புதான் ‘கோமாளி’. தயாரிப்பாளர் கணேஷ் சாருக்கு என்னுடைய குறும்படம் பற்றிய விவரம் தெரிந்திருந்ததால் அவரிடம் கதை சொல்வது எளிதாக இருந்த்து. கதை பிடித்ததும் ‘ஜெயம்’ ரவி சாரை மீட் பண்ணவைத்தார். அப்படி உருவானதுதான் ‘கோமாளி’ படம்.”“படப்பிடிப்பில் ‘ஜெயம்’ ரவி எப்படி?”