நடுப்பக்க விளைச்சல்!
ரீடர்ஸ் கிளாப்ஸ்!
ஆடி மாசம் புதுமனைவி யைப் பிரிஞ்சு, ஆசைக்கு அணைபோட்டு வீராப்பாய் வாழும் மாப்பிள்ளைகளுக்கு வில்லங்கம் வைக்கிற மாதிரி அட்டையிலே மாராப்பூ போடாத மத்தாப்பூவை போட்டிருக்கீங்களே, நியாயமா? - சங்கீத சரவணன், மயிலாடுதுறை.
‘கடாரம் கொண்டான்’, ‘ஆடை’, ‘உணர்வு’ ஆகிய படங்களின் விமர்சனங்கள் அருமை. நிறைகுறைகளை சீர்தூக்கி எடைபோட்டு திறம்பட வைக்கப்படும் விமர்சனங்கள் பாராட்டத்தக்கன. - இரா.வளையாபதி, தோட்டக்குறிச்சி.
கலக்கல் ஸ்டாராக திரையுலகில் கலக்குவேன் என்று தன்னம்பிக்கையுடன் கூறும் பரமேஸ்வரின் பேட்டி படுதூள் சார். - த.சத்தியநாராயணன், அயன்புரம்.
எல்லோருக்கும் நல்லவராக இருக்க முடியாது. என்னிடம் நல்லவர்களாக நடந்துகொள்பவர்களுக்கு நான் நல்ல வளாக இருக்கிறேன் என்கிற துஷாராவின் பதில் நச். - கே.நடராஜன், திருவண்ணாமலை.
‘மின்னுவதெல்லாம் பொன்தான்’ பகுதியில் ரஷியாவையே மிரளவைத்த வங்கத்து இளைஞன் நிமாய்கோஷின் கதை பிரமாதம். - கவிஞர் கா.திருமாவளவன், திருவெண்ணெய்நல்லூர்.
நடுப்பக்க விளைச்சல் பிரமாதம் சார். - வெங்கி, பம்மல்.
காதல் வர்றப்போ வரட்டும் என்று வழிமேல் விழிவைத்து காத்திருக்கும் ஜனனியின் மீது மன்மதன் தன் அம்பை சீக்கிரம் எய்யட்டும். - கார்த்திக், திருவள்ளூர்.
|