சென்னை டூ செவ்வாய் (வழி : பழனி)

விஜய் சேதுபதி புரொடக்‌ஷன்ஸ் மற்றும் ஆரஞ்சு மிட்டாய் புரொடக்‌ஷனுடன் இணைந்து ‘சென்னை பழனி மார்ஸ்’ என்கிற படத்தை இயக்கியுள்ளார் இயக்குநர் பிஜூ. இந்தப் படம் முற்றிலும் புதிய களம், புதிய கதை என ரசிகர்களை நிச்சயம் ஆச்சரியப்படுத்தும் என்று பெரும் நம்பிக்கையோடு பேசுகிறார் இயக்குநர் பிஜூ.

“அது எப்படி சென்னையிலிருந்து பழனி வழியா செவ்வாய்க்கு பயணம் சாத்தியம்?”

“நல்லவேளை. நீங்களாவது தலைப்பைப் புரிஞ்சுக்கிட்டு கேட்டீங்க. நண்பர்கள் இருவர் சேர்ந்து  சென்னையிலிருந்து பழனி வழியாக மார்ஸ் போக முடியுமான்னு முயற்சி பண்றாங்க. அது ஒரு தந்தையின் கனவாக இருந்தது. தந்தையைத் தொடர்ந்து அவரது பையன் அந்தக் கனவை நூல் பிடித்துப் போகிறான். அவனுடன் நண்பனும் சேர்ந்துகொள்ள பயணம் சென்னையிலிருந்து பழனியை நோக்கித் தொடங்குகிறது.

இவர்களின் கனவும், பயணமும் மற்றவர்களால் எப்படி பார்க்கப்படும், என்னென்ன சுவாரஸ்யங்கள்  நடக்கும், என்ன வெல்லாம் காமெடி என்பதுதான் படமே. அவர்கள் மார்ஸ் போனார்களா என்பதுதான் கிளைமாக்ஸ்.”“தமிழில் சயன்ஸ் ஃபிக்‌ஷன் படங்கள் வெற்றி பெறுவது கொஞ்சம் அரிதாச்சே?”

“அந்த அரிதிலும் அரிதா நம்ம படமும் இருக்கட்டுமே? அதே நேரம் இந்தப் படத்தை முழுமையான சயன்ஸ் ஃபிக்‌ஷன் என்றும் சொல்ல மாட்டேன். நான்கு சண்டைக்காட்சிகள் கொண்ட படம், ஹீரோயிஸமான படங்களும் இங்கு வேண்டும். ‘சென்னை பழனி மார்ஸ்’ மாதிரி புதுமுகங்கள் நடிக்கிற வித்தியாசமான படங்களும் வேண்டும். எல்லாவிதமான படங்களும் வரும்போதுதான் மக்களுக்கு சினிமா பார்க்க வேண்டும் என்ற ஆவல் வரும்.”
“எப்படி இந்தக் கதையை யோசிச்சீங்க?”