விஜய்யோடு நடிக்க ஆசைப்படும் ராக்‌ஷி!

நயன்தாராவின் ‘இமைக்கா நொடிகள்’ படத்தில் அதர்வாவின் ஜோடியாக அனுதாபங்களை அள்ளிய ராக்‌ஷி கன்னாவுக்கு கோடம்பாக்கம் சிவப்புக் கம்பளம் விரித்திருக்கிறது. ஜெயம் ரவியுடன் ‘அடங்க மறு’, விஷாலுடன் ‘அயோக்யா’, சித்தார்த்துடன் ‘சைத்தான் கா பச்சா’ என காலில் றெக்கை கட்டிக் கொண்டு பறக்கிறார்.

‘‘சென்னை பிடிச்சிருக்கு.... லாங்குவேஜ் தெரிஞ்சிருந்தால் தான் நல்ல நடிகையா நீடிக்க முடியும்ங்கறது என்னோட நம்பிக்கை. அதனாலேயே முன்னாடி தெலுங்கு சரளமா பேச கத்துக்கிட்டேன். தமிழ் இண்டஸ்ட்ரிக்கு வர்றதுக்கு முன்னாடி தமிழ் பேசுறதுக்கு.... கத்துக்க கஷ்டமா இருக்கும்னு நினைச்சேன். ஆனா, இட்ஸ் ஈஸி லாங்குவேஜ்.  

என்னோட எக்ஸ்பீரியன்ஸ்ல மலையாளம்தான் டஃப். அங்கே மோகன்லால் சாருடன் ‘வில்லன்’ல சின்ன ரோல் பண்ணினபோதுதான் இங்கே தமிழ்ல ‘சைத்தான் கா பச்சா’ கமிட் ஆனேன். தமிழ், மலையாளம் என ரெண்டு இண்டஸ்ட்ரியிலும் ஒரே டைம்ல அறிமுகமானது எதிர்பாராமல் நடந்தது. இப்ப, நீங்க தமிழ்ல பேசினா ஓரளவு புரிஞ்சுக்குவேன்’’ என உற்சாகமாக பேச ஆரம்பிக்கிறார் ராக்‌ஷி கன்னா.“தெலுங்குலே நீங்கதான் நம்பர் ஒண்ணுன்னு கேள்விப்பட்டோம்...”

“அப்படி இருந்தா சந்தோஷம்தான். என்னோட பூர்வீகம் தில்லி. எனக்கு ஒரு அண்ணா இருக்காங்க. பி.ஏ. இங்கிலீஷ் லிட்ரேச்சர் முடிச்சிருக்கேன். சின்ன வயசில இருந்து ஐஏஎஸ் ஆகணும்ங்கறதுதான் கனவு. ஆனா, ஆக்டிங் பக்கம் வந்தது எதிர்பாராமல் நடந்த இன்ஸிடென்ட். அப்பெல்லாம் நான் கொஞ்சம் கூச்ச சுபாவமா இருப்பேன்.

மாடலிங்கிற்கான போட்டோ ஷூட் பண்ணும்போதே, வெட்கப்பட்டு வீட்டுக்கு ஓடியிருக்கேன்.  இந்தியில் அறிமுகமான ‘மெட்ராஸ் கஃபே’யின் ஆடிஷன் டெஸ்ட்டின் போது கூட அதே ஷை டைப் தான்.  அந்த  ஆடிஷன்லேயும் சொதப்பிட்டேன். இப்படி சினிமா பத்தி எதுவும் தெரியாமல் வந்தேன். இங்கே வந்த பிறகுதான் சினிமாவை புரிஞ்சுக்க ஆரம்பிச்சேன்.

தெலுங்கில் ‘மனம்’ல அறிமுகமானேன். அதுலே சின்ன ரோல்தான்.  ஆனா, ரொம்ப ஸ்டிராங் அஸ்திவாரமாக அமைஞ்சது.  நான் டோலிவுட்ல நடிக்க வந்த புதுசுல அங்கே என்னை ஒரு நார்த் இண்டியன் பொண்ணாக மட்டும்தான் பார்த்தாங்க. அதுக்குக் காரணம் இருக்கு. நிறைய வட இந்திய பெண்கள், தென்னிந்திய பெண்களின் சாயல்கள்ல இருக்கமாட்டாங்க.