நாயகன், நாயகி என்று முற்றிலும் புதுமுகங்கள் நடித்து வெளிவந்துள்ள படம் ‘வன்முறைப் பகுதி’. தேனி மாவட்ட மக்களின் வாழ்வியலைச் சொல்லும் இந்தப் படம் கோபத்தின் விளைவு எப்படி இருக்கும் என்ற அழுத்தமான மெசேஜ் சொல்கிறது.கிட்டத்தட்ட ‘சண்டக்கோழி-2’ மாதிரியான கதை.

நண்பர்களுடன் சேர்ந்து குடியும் கும்மாளமுமாக இருக்கும் நாயகன் மணிகண்டன் முன்கோபக்காரர். இவருடைய கோபத்தால்  இரண்டு ஊர்களுக்கு பொதுவாக இருக்கும் கோவில் திருவிழா சில ஆண்டுகள் நடைபெறாமல் தடைப்படுகிறது.

அப்போது மர்மமான முறையில் நாயகி கொலை செய்யப்படுகிறார். கொலைப்பழி மணிகண்டன் மீது விழுகிறது. நாயகி கொலைக்கான காரணம் என்ன, உண்மையான கொலையாளி யார், கொலைப்பழியிலிருந்து நாயகனால் வெளியே வர முடிந்ததா என்பது மீதிக் கதை.

ஒளிப்பதிவாளர் டி.மகேஷ் காட்சிகளில் பிரம்மாண்டத்தை காட்டவில்லை என்றாலும்,  கதாபாத்திரங்களின் உணர்வை அருமையாக பதிவு செய்திருக்கிறார்.நீண்ட உரையாடல்கள் படத்துக்கு பலவீனம்.

தலைப்பில் இருக்கும் வன்முறை படத்தில் இல்லாதது ஆறுதல். கோபத்தால் வரும் விளைவுகளை காதல், காமெடி, சென்டிமென்ட், நம்பிக்கைத் துரோகம் என்று அனைத்து உணர்வுகளையும் கலந்து அழுத்தமாகச் சொல்லியிருக்கும் இயக்குநர் நாகராஜ் கோடம்பாக்கத்துக்கு கிடைத்திருக்கும் நல்வரவு.