ஜீனியஸ்

படித்தால் மட்டும் போதுமா?

கமர்ஷியல் படத்திலும் கருத்துகள் இடம்பெற வேண்டும் என்கிற எண்ணம் கொண்டவர் இயக்குநர் சுசீந்திரன். அந்த கொள்கைப்படியே ‘ஜீனியஸ்’ எடுத்திருக்கிறார்.காலை எழுந்தவுடன் படிப்பு என்பது மாறி காலை எழுந்தவுடன் அவசர அவசரமாகப் பள்ளிக்குக் கிளம்பிப் போவதுதான் இன்றைய நிலை. மாலை முழுவதும் விளையாட்டு என்பது சுத்தமாக மாறி மாலையிலும் படிப்பு என்றாகிவிட்டது.

அதோடு படிப்பு மட்டுமே நம்மை முன்னேற்றும் என்கிற கருத்தை உள்வாங்கிக்கொண்ட பெற்றோர் மற்றும் ஆசிரியர்கள் தம் குழந்தைகளுக்கு நன்மை செய்வதாய் நினைத்துச் செய்யும் தீமைகளைச் சுட்டிக்காட்டுகிறது படம். நாயகன் ரோஷன், தனக்கு கொடுத்த வேடத்துக்குப் பொருத்தமாக நடிக்க முயற்சி செய்து மனதில் நிற்கிறார். மன அழுத்தம் குறைக்க தியானம் செய்யப் போகுமிடத்தில் அவர் சொல்லும் கருத்து உடனே சிரிக்க வைக்கிறது; பின்பு சிந்திக்கவும் வைக்கிறது.