வரலட்சுமியை, நடிகைகளில் நம்பியார் எனலாம்.“ஆம்பள வீசுனாத்தான் வெட்டுமா? பொம்பள வீசுனாலும் அருவா வெட்டும்” என ‘சண்டக்கோழி-2’வில் கொலை வெறியுடன் சிலிர்த்துக் கொண்டு நின்றபோது தமிழகமெங்கும் அரங்கங்கள் அதிர்ந்தன.

அந்த அமளி துமளி அடங்குவதற்குள் அடுத்து சன் பிக்சர்ஸின் ‘சர்கார்’ படத்தில் அதிரடியான வேடம். ‘நீயா-2’ படத்தில் நாகக் கன்னியாக, ‘ராஜபார்வை’யில் பார்வை சவால் கொண்டவராக என்று வரலட்சுமி ஏற்று நடிக்கும் வேடங்கள் ஒவ்வொன்றும் ஒரு ரகம்.

நடிப்பில் வித்தியாசம் காட்டுவதோடு இல்லாமல், ‘சேவ் சக்தி’ என்கிற அமைப்பின் மூலம் பெண்ணுரிமைகளுக்காக போராடும் போராளியாகவும் சமூகத்தில் அறியப்படுகிறார்.“பொதுவாக வாரிசு நடிகைகள் ஜெயிப்பது சிரமம் என்பார்கள்..”“வாரிசு என்பதெல்லாம் ஒரு விசிட்டிங் கார்டுதான் பிரதர்.

அதுக்குப் பிறகு நாமதான் நம்மை தக்க வச்சிக்கணும். என்னைப் பொறுத்தவரை சரத்குமார் மகள் என்பதால் எனக்கு யாரும் வாய்ப்புத் தரவில்லை. எனக்காக என் குடும்பம் படம் தயாரிக்கவில்லை. எனது திறமை, எனது நண்பர்கள் இப்படித்தான் என் கேரியர் ஸ்டார்ட் ஆச்சு.”

“அப்படி யாரும் கேட்கவில்லை. கேட்டாலும் நடிக்கமாட்டேன். ஜெயலலிதா கேரக்டரில் நடிக்கக் கேட்டால் ஓக்கே.”

“அதுலே என்ன கோச்சுக்க இருக்கு? அப்பா மாதிரிதானே மகள் இருப்பா? இதுமாதிரி மீம்ஸையெல்லாம் பாராட்டா எடுத்துக்கிறதா, நம்மளை கலாய்க்கிறாங்களான்னே புரிஞ்சுக்க முடியலை. அதைப்பத்தி நாம எதுக்குக் கவலைப்படணும்? நமக்கு ஆயிரத்தெட்டு வேலை இருக்குதே சாமி.”

“அது சமீபத்தில் பேசப்படும் ஆன்லைன் இயக்கம். ஆனா, நான் கடந்த சில ஆண்டுகளாகவே பெண்களுக்கு இழைக்கப்படும் பாலியல் குற்றங்கள் பற்றி தொடர்ந்து பேசி வருகிறேன். ‘சேவ் சக்தி’ என்ற இயக்கத்தைத் தொடங்கியதன் நோக்கமும் அதுதான். மகளிர் கோர்ட்டுகளை அதிகப்படுத்தி அதன் மூலம் பெண்களுக்கு இழைக்கப்படும் அனைத்து குற்றங்களுக்கும் குறுகிய காலத்துக்குள் விசாரித்து தீர்ப்பு அளிக்க வேண்டும் என்று மத்திய, மாநில அமைச்சர்களை சந்தித்துப் பேசினேன்.

இது தொடர்பாக கவன ஈர்ப்புக் கையெழுத்து இயக்கம் நடத்தினேன். அதற்கு இப்போது பலன் கிடைத்திருக்கிறது. வட மாநிலங்களில் மகளிர் நீதிமன்றங்கள் அதிகப்படுத்தப்பட்டிருக்கின்றன. தமிழ்நாட்டில் தாலுகா லெவலில் அமைக்க ஏற்பாடுகள் நடந்து வருகிறது.”

“இப்போது பாலியல் தொல்லைகளால் பாதிக்கப்பட்ட பெண்கள் துணிச்சலுடன் பேச ஆரம்பித்திருக்கிறார்கள். அவர்களுக்கு நாம் ஆதரவு தரவேண்டுமே தவிர ஏன் இத்தனை வருடம் கழித்து சொல்கிறீர்கள், ஆதாரம் இருக்கிறதா என்று கேள்வி கேட்கக்கூடாது.

அவர்கள் சொல்வதை காது கொடுத்துக் கேட்க வேண்டும். கொச்சைப்படுத்தக் கூடாது. சின்மயிக்கு நான்தான் முதன் முதலில் வெளிப்படையாக ஆதரவுக் குரல் கொடுத்தேன். இப்போது #MeToo மூலம் வரும் பல நிகழ்வுகளைப் படிக்கும்போது வருத்தமும், கோபமும் வருகிறது.”

அவர்களுக்கு தயக்கம், தன்னோட இமேஜ் பாதிக்கப்படுமோ என்கிற பயம். அதனால்தான் தன் எதிர்காலத்தைப் பற்றிக் கவலைப்படாமல் சொன்ன சின்மயிக்கு ஆதரவைத் தெரிவித்தேன். இந்த விஷயத்தில் சித்தார்த், பிரகாஷ்ராஜ், சமந்தா என ஒரு சிலர் மட்டுமே குரல் கொடுக்கிறோம்.

பெரும்பாலானவர்களின் மவுனமே குற்றங்களுக்கு ஆதாரம். பெண்களே, இனிமேலும் பயப்படாதீர்கள். தைரியமாகப் பேசுங்கள். நாளைய தலைமுறை பெண்களாவது பாலியல் தொல்லை இல்லாமல் வாழ்வார்கள். உங்களுக்கு நேர்ந்த கொடுமைகளை எனக்கு அனுப்புங்கள். அதனை நான் ஷேர் செய்கிறேன்.”

“இருங்க பிரதர். விஷாலோட எப்போ கல்யாணம்னுதானே கேட்கப் போறீங்க. கேட்டீங்கன்னா அடிச்சுப்புடுவேன் பிரதர். ஒரு பெண்ணுக்கு வாழ்க்கையின் லட்சியமே திருமணம்தானா? அதுக்கும் மேல நிறைய இருக்கு.

திருமணம் முக்கியம்தான். அதுக்கு நமக்கு ஏற்ற மாதிரி ஒரு நல்ல ஆண்மகன் கிடைக்கணும், கொஞ்ச நாளைக்கு அவனைக் காதலிக்கணும், புரிஞ்சுக்கணும்.... இப்படி நிறைய பிராசஸ் இருக்கு பிரதர்.”