சமூக சமத்துவத்தின் அவசியத்தை கடைசி ஃப்ரேமில் இரண்டு டீ கிளாஸ்களின் மூலம் சொல்லி, ஒட்டுமொத்த தமிழ் சமூகத்தின் கவனத்தையும் தன் பக்கமாகத் திருப்பியிருக்கிறார் ‘பரியேறும் பெருமாள்’ படத்தின் இயக்குநர். முதல் படமே முத்தான படமாக எத்தனை இயக்குநர்களுக்கு அமையும்?

யதேச்சையா எங்கிட்டே பேசிக்கிட்டிருந்த ராம்சார், என்னோட எழுத்துத் திறமை, இலக்கிய அறிவைப் பத்தியெல்லாம் தெரிஞ்சுக்கிட்டாரு. என்னை உடனே உதவி இயக்குநரா ஆக்கினார். ‘கற்றது தமிழ்’, ‘தங்க மீன்கள்’, ‘தரமணி’, ‘பேரன்பு’ன்னு அவர் இயக்கிய நான்கு படங்களிலும் உதவி இயக்குநரா வேலை பார்த்தேன். ‘கற்றது தமிழ்’ படத்தில் ஒரு காட்சியில் தலை காட்டியிருப்பேன்.”

“முதன்முதலா ‘பரியேறும் பெருமாள்’ கதையை எழுதிட்டு தனுஷுக்கு சொல்லுறதுக்குத்தான் முயற்சி பண்ணினேன். அலைஅலைன்னு அலைஞ்சும் அவரோட நிழலைக்கூட என்னாலே நெருங்க முடியலை.

அதுக்கப்புறம் நடிகர் ஜெயராமனோட மகன் காளிதாஸைப் பார்த்து, இந்தக் கதையைச் சொன்னேன். அவருக்கு என்னவோ இந்தக் கதை கொஞ்சம்கூட பிடிக்கலை. இந்த சூழலில்தான் கதிர் எனக்கு போன் பண்ணினார். இந்தக் கதையைக் கேள்விப்பட்ட அவர், ‘நானே தயாரிச்சு நடிக்கிறேன்’னு கூட ரிஸ்க் எடுக்க முனைந்தார்.

நல்லவேளையாக டைரக்டர் பா.ரஞ்சித் என்னை தத்தெடுத்துக்கிட்டார். என் மேலே முழுசா நம்பிக்கை வெச்சு படத்தை தயாரிச்சிருக்காரு. இப்போ எல்லாப் பக்கத்திலிருந்தும் நல்ல மாதிரியாதான் படத்தைப் பற்றி சொல்லுறாங்க.

ஒடுக்குமுறைக்கு வன்முறை தீர்வாகாது, தொடர்ந்து விவாதம் செய்தே ஒடுக்கப்பட்டோரின் நியாயத்தைப் புரியவைக்க முடியும் என்கிற பாசிட்டிவ்வான இந்தப் படத்தோட முடிவு, எதிர்க்கருத்து வெச்சிருக்கிறவங்களையும் எங்களோட விவாதிக்க வைக்குது. என்னோட அடுத்த படத்திலும் சமூக அக்கறை நிச்சயமாக வெளிப்படும். படைப்புன்னாலே அதில் சமூக அக்கறை இருந்துதான் ஆகணும்.”