இந்திய அரசின் உச்ச அதிகாரமும், செல்வாக்கும் கொண்ட உளவு அமைப்பான RAWவில் பணியாற்றும் கமல் எதிர்கொள்ளும் ஆபத்துகளும், சவால்களும்தான் படம்.முதல் பாகத்தில் அமெரிக்காவில் தீவிரவாதிகள் நடத்த இருந்த நாசவேலையை தடுத்து நிறுத்தும் கமல்ஹாசன் மற்றும் குழுவினர், அங்கிருந்து இங்கிலாந்துக்கு வருகிறார்கள்.

அங்கு தீவிரவாதிகள் பெரிய அளவில் நாசவேலை செய்வதைக் கண்டுபிடிப்பதோடு, அதை தடுத்தும் நிறுத்துகிறார்கள். பிறகு இந்தியாவுக்கு வரும் கமல், அங்கேயும் தீவிரவாதிகளின் சதித்திட்டத்தை முறியடித்து நாட்டைக் காப்பாற்றுகிறார். சுபம்.

ஒன் மேன் ஷோவாக படம் முழுக்க நிறைந்திருக்கிறார் கமல். மல்லிகைப் பூ மணம் வீசும் என்பது மாதிரி கமலின் நடிப்பைப் பற்றி புதுசாக சொல்ல வேண்டிய அவசியம் இல்லை. நாடி நரம்பு என்று அவரது அத்தனை உடல் அங்கங்களும் நடிப்பதை அனைத்துத் தரப்பு ரசிகர்களும் கொண்டாடுவதைத் தவிர்க்கமுடியாது.

வாய்ப்பு கிடைக்கும் போதெல்லாம் வாழ்க்கைத் தத்துவங்களைப் பேசுவது கமலின் எக்ஸ்க்ளூஸிவ் டச்சிங்.தொடக்கக் காட்சியிலிருந்து வந்தாலும் ஆண்ட்ரியாவும் பூஜாகுமாரும் ஊறுகாயாகத்தான் இருக்கிறார்கள்.