நகைச்சுவை நடிகர் வடிவேலுவின் ஒவ்வொரு காமெடியிலும் ஒரு வசனம் மக்களிடையே வரவேற்பைப் பெறும். அப்படி யாராலும் மறக்க முடியாத வசனம் ‘படித்தவுடன் கிழித்துவிடவும்’.

அந்த வசனத்தையே தலைப்பாகக் கொண்டு ஒரு படம் உருவாகிறது. இந்தப் படத்தை எழுதி இயக்கியுள்ளார் செ.ஹரி உத்ரா. இவர் ஏற்கனவே மீத்தேன் திட்டத்தால் விவசாய நிலங்கள் எப்படி பாதிக்கப்படுகின்றன என்பதை மையமாக வைத்து ‘தெருநாய்கள்’ என்கிற படத்தை இயக்கியவர். ரிலீஸுக்கான வேலைகளில் பிஸியாக இருந்தவரிடம் பேசினோம்.

அதைப்பற்றிய ஒரு சிறு பயணம் தான் இந்தப் படம்.இன்சூரன்ஸ் இன்று நம் வாழ்வில் தவிர்க்க முடியாத ஒன்றாக இருக்கிறது. அப்படி நாம் செய்யும் இன்சூரன்ஸ் தொகையை வாங்க நாமும் முறையிடுவது இல்லை. சம்பந்தப்பட்ட கம்பெனிகளும் அதை மக்களுக்கு அதிகமாக தர முன்வருவதும் இல்லை.

இதனால் கிட்டத்தட்ட பல லட்சம் கோடி ரூபாய் மக்கள் பணம் முடங்கி உள்ளன. அப்படி ஒரு அரசியல்வாதியால் இன்சூரன்ஸ் மோசடி செய்யப்பட்டு  இறந்தவர்களின் ஆவிகள் மனிதர்களின் துணை கொண்டு எப்படி அந்த அரசியல்வாதியைப் பழிவாங்கியது என்பதை காமெடி கலந்து கமர்ஷியலாக  திரைக்கதை அமைத்துள்ளேன்.”

“இது ஹீரோ, ஹீரோயின் சப்ஜெக்ட் கிடையாது. கூல் சுரேஷ், பிரதீக், ஸ்ரீதர், சீனி ஆகிய நால்வரும் முக்கிய கதாபாத்திரத்தில் நடித்துள்ளனர். இதில் பிரதீக் ஏற்கனவே நான் இயக்கிய ‘தெரு நாய்கள்’ படத்தில் நாயகனாக நடித்தவர்.

மற்றவர்களுக்கும் சினிமா அனுபவம் இருந்ததால் என்னுடைய வேலை சுலபமாக இருந்தது. இவர்களோடு பான்பராக் ரவி, காதல் சரவணன், நெல்லை சிவா, ரோஜா பதி, சபீதா, ஜெனிபர், சுபாஷி, சுமா, அனிதா, சிறுவன் தனுஷ், சுரேஷ்குமார் ஆகியோர் நடித்துள்ளனர். வில்லனாக கருணாநிதி அறிமுகமாகிறார்.”