என்னோட ‘மனசெல்லாம்’ நிறைஞ்சவங்களைப் பத்தி சொல்லலாம்னு நெனைக்கிறேன்.என்னுடைய சொந்த ஊர் புதுக்கோட்டை. பள்ளி நாட்களில் என் மனசில் நிறைந்தவர் எனக்கு கல்வி கற்றுக் கொடுத்த ஆசான் அமானுல்லா அஜரத்.

ஒரு சாதாரண மாணவனான எனக்குள் இருந்த ஆற்றலை அடையாளம் கண்டு ஒரு மேடைப் பேச்சாளனாக மாற்றியவர். இப்போது என் பேச்சும் நடையும் அழகாக இருக்கிறது என்றால் அதற்கு அடித்தளம் அமைத்துக் கொடுத்தவர் இவர்தான். எப்போதும் என் இதய ஓசையாக எனக்குள் வாழ்ந்துகொண்டிருக்கிறார்.