கிளாமர் வேணாம்... அதுக்குன்னு அழுகாச்சி ரோல் கொடுக்காதீங்க... லதா ராவ் வேண்டுகோள்!

வடிவேலுவுக்கு ஜோடியாக ‘தில்லாலங்கடி’ படத்தில் காமெடி வேடத்தில் அறிமுகமாகி புகழ் பெற்றவர் லதா ராவ். அதைத் தொடர்ந்து நடிகரும் இயக்குநருமான சசிகுமார் இயக்கத்தில் ‘ஈசன்’, சமுத்திரக்கனி இயக்கத்தில் ‘நிமிர்ந்து நில்’, கே.எஸ்.ரவிக்குமார் இயக்கத்தில் ‘முடிஞ்சா இவன புடி’ உள்ளிட்ட ஏராளமான படங்களில் நடித்தவர்.  

சமீபத்தில் வெளியான ‘கடிகார மனிதர்கள்’ படத்தில் கிஷோர் ஜோடியாக நடித்து, குணச்சித்திர நடிப்பால் ரசிகர்களின் கவனத்தை ஈர்த்திருக்கிறார். பிரபுதேவா நடிக்கும் ‘யங் மங் சங்’ படப்பிடிப்பில் யங்காகக் காட்சியளித்தவரிடம் பேசினோம்.

“உங்களுக்கு ‘கடிகார மனிதர்கள்’ வேற மாதிரி ஒரு அனுபவம் இல்லையா?”

“கிஷோர் சாரின் நடிப்புத் திறமையைப் பற்றி நான் சொல்லித்தான் தெரிய வேண்டிய அவசியம் இல்லை. ஸ்கிரீன்ல கொஞ்சம் இடம் கிடைத்தாலும் ஸ்கோர் பண்ணிவிடுவார். ‘கடிகார மனிதர்கள்’ படத்தைப் பொறுத்தவரை அவருக்கு அவருடைய தோற்றம் பெரிதாக பெயர் வாங்கிக் கொடுத்தது. அதன் மூலம் எளிதாக அவருக்கு பரிதாபமான லுக் கிடைத்தது.

ஆனால் எனக்கு பரிதாப லுக் வருவதற்கு ரொம்பவே மெனக்கெடல் போட்டேன். இவ்வளவுக்கும் ஒரு டிராப் மேக்கப் இல்லை. முழுப் படத்திலும் வித் அவுட் மேக்கப்பில்தான் நடித்தேன். ஒரே ஒரு காட்சியில் மட்டும் கண் மை யூஸ் பண்ணினேன். மற்றபடி வெளுப்பாக இருக்கிற சருமத்தை டல் பண்ணினார்கள். நடிக்கும் போது ஸ்கிரீன்ல எப்படி வருமோ என்று இயக்குநருக்கு தயக்கம் இருந்தது. ஆனால் நாங்கள் எதிர்பார்த்ததைவிட திரையில் நல்லாவே இருந்தது.

பாண்டிச்சேரியில் படப்பிடிப்பு நடந்தது. ஷூட்டிங் ஸ்பாட்டில் சக நடிகர்களுடன் நடிக்கும்போது எளிதில் கம்ஃபோர்ட் ஃபீல் கிடைக்காது. கிஷோருடன் நடிக்கும்போது கம்ஃபோர்ட்டா ஃபீல் பண்ண முடிந்தது. ஏன்னா கிஷோர் குறுகிய காலத்தில் தனக்கென ஒரு இடத்தை உருவாக்கி வைத்திருக்கிறார். நான் சின்ன சஜஷன் சொன்னாலும் அதை ஏற்றுக்கொள்வார்.

எனக்கும் சில சமயம் சஜஷன் சொல்வதோடு எனக்கான ஸ்பேஸுமும் கொடுத்தார். அழுகைக் காட்சியில் என்னுடைய இயல்பான நடிப்பைப் பார்த்துவிட்டு ‘உங்க கூட நடிக்கும்போது கவனமாக இருக்கணும்’ என்று சொன்னார். பெரிய நடிகர் அப்படிச் சொன்னதை எனக்கான  பாராட்டாக நினைக்கிறேன். நிஜ வாழ்க்கையில் இரண்டு குழந்தைகளின் அம்மா என்பதால் அம்மா கேரக்டர் அல்வா சாப்பிட்ட மாதிரி இருந்தது.”

“தொடர்ந்து அம்மா வேடத்தில் நடிப்பீர்களா?”

“அம்மா வேடத்தில் நடிப்பதில் எனக்கு எந்த பிரச்சினையும் இல்லை. நாலு குழந்தைக்கு அம்மாவா நடிக்கவும் தயாராக இருக்கேன். சில படங்களில் அம்மா ரோலுக்காக என்னை அழைத்தாலும் நேரில் என் இளமையான தோற்றத்தைப் பார்த்தபிறகு இயக்குநர்கள், வேறு ரோல் கொடுக்கிறோம் என்று சொல்கிறார்கள். இதுதான் உண்மை நிலை. அந்த வகையில் அம்மா ரோலுக்கு இன்னும் கொஞ்சம் டைம் இருப்பதாகக் கருதுகிறேன்.”

“அப்படின்னா, நீங்க எந்த மாதிரி ரோலில் நடிக்க ஆர்வமாக இருக்கீங்க?”