ஹன்சிகாவை சமாளிப்பாரா அதர்வா?

ஜம்மென்று உடம்பை முறுக்கேற்றி வைத்திருக்கிறார் அதர்வா. கம்பீரமான காக்கி உடுப்பில் தோன்றுவதற்கு அவருக்கும் ஆசை இருக்காதா என்ன? அதர்வாவும் போலீஸ் ஆகிவிட்டார். ரயில் சண்டை, பரபர சேஸிங் என்று ஃபுல் ஆக்‌ஷனுக்கு ரெடியாகியிருக்கிறார். ஜோடி தளதள ஹன்சிகா. காமெடிக்கு யோகிபாபு என்று செம ஜமா கூட்டணியோடு ‘100’ படத்தில் களமிறங்கியிருக்கிறார்.

ஏற்கனவே ஜி.வி.பிரகாஷை வைத்து ‘டார்லிங்’, ‘எனக்கு இன்னொரு பேர் இருக்கு’ வெற்றிப் படங்களை இயக்கிய சாம் ஆண்டன், இம்முறை அதர்வாவுடன் கூட்டணி அமைத்திருக்கிறார்.அடுத்தடுத்து காமெடிப் படங்களை இயக்கிக் கொண்டிருந்தவர், ஆக்‌ஷனுக்கு தாவிவிட்டாரே என்கிற கேள்வியோடு சாம் ஆண்டன் முன்பாக நின்றோம்.

‘‘என்னோட முதல் இரண்டு படங்களில் காமெடிக்கு முக்கியத்துவம் கொடுத்திருந்தேன். அடுத்து வேறு புதுசா ஒரு ஜானர் யோசிச்சப்போ, அழகான ஒரு ஆக்‌ஷன் நாட் ஒண்ணு அகப்பட்டுச்சு. முழு ஸ்கிரிப்ட்டையும் எழுதின பிறகு, அதர்வா  நூறு சதவிகிதம் பொருத்தமாக வந்து நின்னார். இதுவரைக்கும் அவர் போலீஸ் கதைகள் பண்ணினதில்ல. ஃப்ரெஷ் போலீஸாகத் தெரிஞ்சார்.

‘அவுரா சினிமாஸ்’ மகேஷ் என்னோட காலேஜ் சீனியர். ஸோ, அவர்கிட்ட கதையை சொன்னேன். அவங்களுக்கு ரொம்பவே பிடிச்சிருந்தது. இதோட ஃபர்ஸ்ட் லுக் வெளியான அன்னிக்கு, ‘டைட்டில் நம்பர்ல இருக்கே..?’னு பலரும் ஆச்சரியமா கேட்டாங்க. இது நூறு சதவிகிதம் கதைக்கு பொருத்தமான ஒரு டைட்டிலா எங்க எல்லாருக்குமே தோணுச்சு.’’

“தமிழில் ஏகத்துக்கும் போலீஸ் ஸ்டோரி வந்தாச்சு. நீங்க புதுசா என்ன பண்ணிடப் போறீங்க?”

“இது வழக்கமான போலீஸ் கதை இல்லை. ஒரு நாள் மிட்நைட்ல ஏர்போர்ட்ல இருந்து கார்ல என் வீட்டுக்கு திரும்பிட்டிருந்தேன். ஒரு சிக்னல்ல போலீஸ்காரங்க வழிமறிச்சாங்க. அந்த இன்ஸிடென்ட்ல தோணின கதை இது. நம்ம எல்லாருக்குமே போலீஸ் கண்ட்ரோல் ரூம் பத்தி தெரிஞ்சிருக்கும். நம்மில் பலரும் ஒருதடவையாவது அதற்கு போன் செய்திருப்போம். அதனாலதான் இப்படி ஒரு டைட்டில் வச்சோம். ஹீரோ அதர்வா, ஊர்ல சும்மா ஜாலியா சுத்திட்டு திரியுற பையன்.