மலேசியாவில் ரஜினி!

ரஜினியின் அடுத்த படத்தின் அறிவிப்பு இப்ப வரும் அப்ப வரும் என்று ஒட்டு மொத்த சினிமா உலகமும் எதிர்பார்த்துக் கொண்டிருந்த வேளையில், கடந்த வாரம் அடுத்த படத்துக்கான அறிவிப்பை அதன் தயாரிப்பாளர் கலைப்புலி எஸ்.தாணு அதிகார பூர்வமாக அறிவித்தார். அந்த அறிவிப்பு மூலம் ரஜினியை வைத்து படம் தயாரிக்க வேண்டும் என்ற தாணுவின் பல நாள் கனவு நிறைவேறியது.

இந்தப்படத்தை ‘அட்டகத்தி’, ‘மெட்ராஸ்’ படங்களை இயக்கிய பா.ரஞ்சித் இயக்குகிறார். இசை சந்தோஷ் நாராயணன். ஒளிப்பதிவு முரளி ஜி. பாடல்கள் கபிலன், உமாதேவி, கானா பாலா. மலேசியாவில் 60 நாட்கள், இந்தியாவில் 60 நாட்கள் படப்பிடிப்பு நடக்கவுள்ளது. ஆகஸ்ட் மாதம் தொடங்கவுள்ள படப்பிடிப்புக்காக மலேசியாவில் தீவிரமாக லொகேஷன் தேடும் பணியில் இருக்கிறார் பா.ரஞ்சித்.