அனுஷ்காவின் இயற்கை ஆராய்ச்சி!

அனுஷ்காவுக்கு நடிப்பு தவிர, புவியியல் துறையில் அதிக ஆர்வம் இருக்கிறது. ஷூட்டிங் ஸ்பாட்டில் கிடைக்கும் இடைவேளையில், பூமி உருவான விதம் மற்றும் பூகம்பம் ஏற்படும் மர்மம், எதிர்காலத்தில் இந்த உலகம் என்னவாக மாறும் என்பது உள்பட, இயற்கையின் அதிசயங்களைப் பற்றி பல அபூர்வ விஷயங்களை ஆர்வத்துடன் பேசுகிறார்.

மேலும், இயற்கைப் பேரழிவு குறித்த புகைப்படங்களையும் சேகரித்து வருகிறார். ஆன்மிக விஷயங்களிலும் அனுஷ்காவுக்கு ஆர்வம் இருக்கிறது. ‘லிங்கா’ ஷூட்டிங்கில் ரஜினியிடம் ஆன்மிகம் பற்றி அதிக நேரம் பேசியது சந்தானம் இல்லையாம், சாட்சாத் அனுஷ்கா மட்டும்தான் என்கிறது, உதவி இயக்குனர் வட்டாரம்.

காஜலின் ஓரவஞ்சனை!

இதுவரை எத்தனையோ தமிழ்ப் படங்களில் நடித்து விட்டார் காஜல் அகர்வால். மும்பைக்காரரான அவர், தெலுங்குப் படங்களில் நடிக்க ஆரம்பித்த சில மாதங்களில் தெலுங்கு பேசக் கற்றுக்கொண்டார். ஆனால், தமிழை மட்டும் கற்றுக்கொள்ள மாட்டேன் என்று அடம்பிடிக்கிறார். சொன்னால் புரிந்துகொள்ளும் அவர், பதிலுக்கு தமிழில் பேச முடியாமல் திணறுகிறார். தன் உதவியாளர்களிடம் கூட தெலுங்கு, இந்தி அல்லது ஆங்கிலத்தில் மட்டுமே பேசுகிறார். தமிழுக்கு ஏன் இந்த ஓரவஞ்சனை செய்கிறாரோ தெரியவில்லை.