சாமியாடும் ஓவியா!

ஓவியாவை மற்ற ஹீரோயின்களுடன் ஒப்பிட்டுப் பேசினால், கடுப்பாகி விடுவார். ‘மஞ்சப்பை’ படத்தில் லட்சுமி மேனன் சிறப்பாக நடித்திருப்பார். இப்போது அந்தப் படத்தை கன்னடத்தில் ரீமேக் செய்கிறார்கள். இதில் ஓவியா நடிக்கிறார். அவரிடம், ‘லட்சுமி மேனன் மாதிரி நடிப்பீர்களா?’ என்று கேட்ட போது, சாமியாடி விட்டார். ‘எனக்குன்னு தனி ஸ்டைல் இருக்கு. யாரையும் காப்பிடியச்சு நடிக்க வேண்டிய அவசியம் இல்லை’ என்று பொரிந்து தள்ளுகிறார்.

‘அட்டகத்தி’, ‘மெட்ராஸ்’ படங்களைத் தொடர்ந்து பா.ரஞ்சித் இயக்கும் படத்தில் ரஜினி நடிக்கிறார். மலேசியா தாதா வேடத்தில் நடிக்கும் அவருக்கு ஜோடி இல்லை என்று சொல்லப்பட்டது. ஆனால், இப்போது ஜோடியாக முன்னணி நடிகை ஒருவர் நடிப்பதாக அறிவிக்கப்பட்டுள்ளது. நயன்தாரா நடிப்பார் என்று தகவல் கசிந்துள்ளது. ஏற்கெனவே ‘சந்திரமுகி’ படத்தில் ரஜினி ஜோடியாக அவர் நடித்திருப்பதால், கண்டிப்பாக நயன்தாரா வேண்டாம் என்று படக் குழு சொல்லிவிட்டதாம். இதையறிந்து அப்செட் ஆகிவிட்டாராம் நயன்தாரா.