சினிமாக்காரர்களில் பணத்துக்காக படம் எடுப்பவர்கள் உண்டு. சமூகத்துக்காக படம் எடுக்கிறவர்கள் உண்டு. இதில் இரண்டாவது வகையை சேர்ந்தவர் இயக்குநர் நாவலன். விவசாயத்துக்கு முக்கியத்துவம் கொடுத்து இவர் எடுக்கும் படம் ‘புதிய தீர்ப்பு’.

விளையாத நிலங்களை என்னவோ பண்ணிட்டு போங்க, விளையும் நிலங்களை நாசமாக்காதீங்க. பயிர் நட்டு பசுமையாக இருந்த இடங்களை இன்று கல் நட்டு கறம்பாக்குறீங்க என்று வாழ்வாதாரமான விவசாயத்தை அழிக்கும் கும்பலை எதிர்த்து போராடும் இளைஞனின் கதைதான் படம்.