லிவ்விங் டுகெதெர் கேள்விப்பட்டு இருப்போம், ஆனால் லிவ்விங் அப்பார்ட் டுகெதெர் எனும் வாழ்க்கைமுறை இப்போது இளைஞர்கள் மத்தியில் பேசும் பொருளாக மாறியுள்ளது. லிவ்விங் டுகெதெரில் திருமணமாகாத காதல் ஜோடி சேர்ந்து வாழ்வார்கள். ஆனால், லிவ்விங் அப்பார்ட் டுகெதெரில் திருமணமான தம்பதிகள் தனித்தனியாக வாழ்ந்து வார இறுதிகளில் மட்டும் சந்தித்துக்கொள்கின்றனர்.

சிலர் திருமணமான முதல் இரண்டு அல்லது மூன்றாண்டுகள் மட்டும் பிரிந்து வாழ்ந்து குழந்தைகள் பிறக்கும் சமயம் ஒன்றாக வாழ்கின்றனர். இந்த வாழ்க்கைமுறை தம்பதிகளிடையே காதலை அதிகரிப்பதாகவும், தனிப்பட்ட வாழ்க்கையில் கவனம் செலுத்த முடிவதாகவும் தெரிவிக்கின்றனர்.

கடந்த ஆண்டு நவம்பர் மாதம் தமிழகத்தில் விடாமல் கொட்டித் தீர்த்த மழையில் பாதிக்கப்பட்டு மயங்கி கிடந்த இளைஞரைத் தோளில் சுமந்து ஆட்டோவில் ஏற்றி மருத்துவமனைக்கு அனுப்பிவைத்த பெண் காவல் ஆய்வாளர் ராஜேஸ்வரியின் வீடியோ நாடு முழுவதும் வைரல் ஆனது.

அவர் இதற்கு முன் தன் பணியின் போது பல வீரதீர செயல்களைச் செய்ததும் கண்டறியப்பட்டது. ராஜேஸ்வரியின் செயல் தமிழக காவல்துறைக்கே பெருமை சேர்த்துள்ளது என முதலமைச்சர் மு.க. ஸ்டாலின் தெரிவித்திருந்தார். இதையடுத்து குடியரசு தினத்தில் அவருக்கு அண்ணா பதக்கம் வழங்கப்பட்டது.