மணிப்பூர் மாநிலம், இம்பால் அருகே உள்ள நகரம் காக்சிங். கடந்த ஆகஸ்ட் 3ம் தேதி அப்பகுதியில் ஆற்றங்கரையோரத்தில் உள்ள மரங்கள் சாலை விரிவாக்கத்திற்காக வெட்டப்பட்டது.

அந்த இடத்தில் இளங்பம் பிரேம்குமார் சிங் என்பவரின் 10 வயது மகள் இளங்பம் வேலன்டினா தேவி இரண்டு குல்முகுர் மரங்களை வளர்த்து வந்துள்ளாள். அவளுக்கு அந்த மரங்கள் என்றால் கொள்ளை உயிர். தினமும் பள்ளி விட்டு வந்ததும் அந்த மரங்களுடன் விளையாடிவிட்டு தான் வேறு வேலைப் பார்ப்பாள்.

வேலன்டினா ஆசையாக வளர்த்த அந்த இரண்டு மரங்களை தான் சாலை விரிவாக்கப்பணிக்காக அரசு உத்தரவின் பேரில் வெட்டப்பட்டது. உத்தரவு வந்ததும், வேலன்டினா மரங்களை வெட்டக்கூடாதுன்னு தடுத்தாள்.

ஆனால் யாரும் அவளின் வார்த்தையை பொருட்படுத்தவில்லை. வெட்டி சாய்த்துவிட்டனர். இதனால் அதிர்ச்சியடைந்த சிறுமி தான் ஆசையாய் வளர்த்த மரங்கள் வெட்டி சாய்க்கப்பட்டதை கண்டு கதறி அழுதாள்.