நீராலானது இவ்வுலகு

அரசுகளின் செயலற்ற தன்மையை விளக்கும் வெள்ள பாதிப்புகள் குறித்தான அறிக்கைகள்

2015ம் ஆண்டு சென்னை மற்றும் புறநகர் பகுதிகளில், பெரும்  வெள்ளத்தில் மக்கள் பாதிக்கப்பட்ட போது மத்திய, மாநில அரசுகள் என்ன  செய்தன? அதற்கு முன்பும் பின்பும் நாடு முழுவதும் நிகழ்ந்த வெள்ள பாதிப்புகளை அரசுகள் எப்படி மேலாண்மை செய்து வருகின்றன?  இக்கேள்விகளுக்கு இந்திய கணக்காய்வு மற்றும் தணிக்கைத் துறைத் தலைவரின் இரண்டு அறிக்கைகள் நமக்கு பதில் அளிக்கக் கூடும்.

சென்னை வெள்ளம் குறித்த அறிக்கை

டிசம்பர் 2015ல், சென்னை மற்றும் புறநகர் பகுதிகளில் ஏற்பட்ட வெள்ளத்தின் காரணமாக 289 நபர்கள் இறந்துள்ளனர்.  சுமார் 23.25 லட்சம்  வீடுகள் நீரில் மூழ்கின. இந்த வெள்ளத்தின் தாக்கம், பேரிடரை மேலாண்மை செய்வதில் பல்வேறு அரசு அமைப்புகள் ஆற்றி இருக்க  வேண்டிய பங்கில் ஏற்பட்ட தோல்வியை, பொதுப் பார்வைக்கு கொண்டு வந்தது என்று கூறுகிறது தணிக்கை துறை.வெள்ளத்தின் காரணமாக  ஏற்பட்ட இழப்பின் தீவிரத்தை குறைப்பதில் தமிழ்நாடு அரசின் தயார் நிலையை அறிவது மற்றும் இந்த பேரிடர்  தவிர்த்திருக்கக்கூடியதா என்பதை மதிப்பிடுதல் என்ற நோக்கத்துடன், “சென்னை மற்றும் அதன் புறநகர் பகுதிகளில் வெள்ள மேலாண்மை  மற்றும் வெள்ளத்தை எதிர்கொள்ளுதல்” பற்றி, ஏப்ரல் 2011 முதல் மார்ச் 2016 வரையிலான காலகட்டத்தை  உள்ளடக்கிய ஒரு செயலாக்க  தணிக்கையை, ஜூன் முதல் நவம்பர் 2016 வரை நடத்தியது தணிக்கை துறை.ஆய்வின் முடிவில் சில  முக்கிய பரிந்துரைகள் தரப்பட்டன.  அவை...

(1) நீர்நிலைகளின் மீது கட்டுமானத்தின் தாக்கத்தை குறைப்பதற்காக, இந்திய அரசு குறிப்பிட்ட வகையில், வெள்ள சமவெளி மண்டலம்  பற்றிய சட்டத்தை இயற்ற நடவடிக்கை எடுக்க வேண்டும்.

(2)நீர்நிலைகளை ஒட்டிய மேம்பாடு களின் பாதிப்பை தடுக்கும் வகையிலான மேம்பாட்டு நடவடிக்கைகளை மேம்படுத்துவோர் எடுப்பதை  உறுதி செய்யாமல், நீர்நிலைகளை ஒட்டிய மேம்பாடுகளை சென்னை பெருநகர வளர்ச்சிக் குழுமம் அனுமதிக்கக் கூடாது. நிபந்தனையின்  அடிப்படையிலான அனுமதி வழங்கும் முறை இனி நிறுத்தப்பட வேண்டும்.

(3)நீர் வழிகளை ஒட்டியும் நீர் நிலை களுக்கு உள்ளும் ஆக்கிரமிப்புகளை அகற்றுவதில் அனைத்து செயல்படுத்தும் துறைகள் இடையே  ஒருங்கிணைப்பை
அரசு உறுதி செய்ய வேண்டும்.

(4) மழைநீர் வடிகால்களின் நீர் கொண்டு செல்லும் கொள்ளளவின் வடிவமைப்புக்கும் ஆண்டு பராமரிப்புக்கும் உரிய முக்கியத் துவம்  அளித்து, மழைநீர் வடிகால் பிணையமைப்பின் விரிவாக்கத்திற்கு முக்கியத்துவம் அளிக்கப்பட வேண்டும்.

(5) அணைகளுக்கான அவசரகால செயல் திட்டம் பணி முன்னுரிமை அடிப்படையில் முடிக்கப்பட வேண்டும்.

(6) பேரிடர் மேலாண்மைக்கான ஒரு செயல்படும் நிறுவன கட்டமைப்பு இந்திய அரசு கூறியபடி நிதி தன்னாட்சியுடன் கூடிய வகையில்,  அரசு உருவாக்க வேண்டும்.
மேற் கூறிய பரிந்துரைகளை இன்று வரை தமிழக அரசு நிறைவேற்றவே இல்லை.

தமிழக நீர் கொள்கை

1987ம் ஆண்டு கொண்டு வரப்பட்ட தேசிய நீர் கொள்கை  அடிப்படையில் 1994ம் ஆண்டு தமிழ்நாடு மாநில நீர் கொள்கை கொண்டு  வரப்பட்டது. தேசிய நீர் கொள்கை 2002 மற்றும் 2012ம் ஆண்டுகளில் திருத்தி அமைக்கப்பட்ட போதும், தமிழக நீர் கொள்கை  மாற்றப்படாமல் உள்ளது.  தமிழக நீர் கொள்கையை திருத்தி அமைக்க 2013ம் ஆண்டு குழு ஒன்று அமைக்கப்பட்டது. அக்குழு தனது  வரைவு கொள்கையை ஆகஸ்ட் 2014ல் அளித்தது. தற்போதைய நிலை வரை இந்த வரைவுக் கொள்கைகளுக்கு தமிழக அரசு ஒப்புதல்  அளிக்கவில்லை என்று தணிக்கை ஆய்வு கூறுகிறது.

மத்திய நீர்வள ஆணையம்

வெள்ள பாதிப்புகள் குறித்த அறிக்கை