மெகா டிஸ்பிளே போன்

ஸ்மார்ட் போன், ஸ்மார்ட் டி.வி, மொபைல் ஆப், லேப் டாப் உள்ளிட்ட எலெக்ட்ரானிக் சாதனங்களைத் தயாரிக்கும் சீன நிறுவனம் ‘ஷியோமி’. 2011-ம் வருடம் ஆகஸ்ட் மாதத்தில் தனது முதல் ஸ்மார்ட்போனை அறிமுகம் செய்த ஷியோமி, இன்று சீனாவின் மிகப்பெரிய ஸ்மார்ட்போன் தயாரிப்பு நிறுவனமாக உருவெடுத்திருக்கிறது.

இந்தியாவில் அதிகமாக விற்பனையாகும் ஸ்மார்ட்போன்களில் இரண்டாவது இடத்தை வெகு குறுகிய காலத்திலேயே ஷியோமி பிடித்துவிட்டது. காரணம், அதன் மலிவான தரமான ஸ்மார்ட்போன்கள். மற்றும் ஏகப்பட்ட மாடல்கள். ஜூலை 2-ம் தேதியன்று ‘Mi CC9’ என்ற மாடலை அறிமுகப்படுத்தியுள்ளது ஷியோமி. ‘CC’ வரிசையில் வரும் முதல் போன் இதுவே. இளசுகளை மட்டும் மனதில் வைத்து இந்தப் போனை உருவாகியிருக்கிறது ஷியோமி. அதனால் இன்பில்ட்டாகவே நிறைய பொழுதுபோக்கு ஆப்கள் இருக்கின்றன.