*பயனுள்ள மருத்துவத் துணுக்குகளை, சுவாரஸ்யமாக அள்ளித்தரும் ‘மெடிக்கல் ட்ரெண்ட்ஸ்’ பகுதி தொடரட்டும். ‘ஒற்றை தலைவலிக்கு முடிவே இல்லையா?’ கட்டுரை அதனால் பாதிக்கப்படும் பலருக்கும் உபயோகமாக இருந்திருக்கும். சில தகவல்கள் கண்டு வியந்தே போனேன். ஜப்பானியர்கள் கட்டுரை குறிப்பிடத் தகுந்ததாக இருந்தது. உலகிலேயே 100 வயதுக்கு மேல் வாழும் மனிதர்கள் அதிக சதவீதத்தினர் ஜப்பானில் இருப்பதும், அவர்கள் பின்பற்றும் உணவுப் பழக்கங்களை நாமும் பின்பற்றினால் நீண்ட நாள் வாழ முடியும் என்பதும் நல்ல ஆலோசனை. ‘வெயிலை விரட்டும் மூலிகை குடிநீர்’ காலத்துக்கேற்ற பயனுள்ள அறிவுரை. மிக மிக அருமை!