நியூஸ் வே

மும்பைக்கு விமானத்தில் சென்ற ஐஸ்வர்யா தனுஷுக்கு இன்ப அதிர்ச்சி. அன்று அவரது சக பயணியாக ஏ.ஆர்.ரஹ்மானைக் கண்டதும் ஆச்சரியமான ஐஸ்வர்யா அவருடன் செல்ஃபி எடுத்து உடனே ட்விட்டியிருக்கிறார்.

*சூர்யா, ‘24’ படத்தை முடித்துவிட்டு, ‘சிங்கம் 3’க்காக மீசை வளர்க்கிறார். ஹரியின் ஆஸ்தான நடிகர்கள் தவிர்த்து புதுமுக நடிகர்களுக்கான தேர்வும் ஏவி.எம்மில் நடக்கிறது.

*‘‘ ‘இது நம்ம ஆளு’ வெளியீடு என் கையில் இல்லை. அதை தயாரிப்பாளர்தான் முடிவு செய்ய வேண்டும்’’ என இயக்குநர் பாண்டிராஜ் ட்வீட்ட, உடனே படத்தைப் பார்க்க விரும்பியிருக்கிறார் சிம்பு. பாண்டிராஜும் திரையிட்டுக் காட்டியிருக்கிறார். இப்போது நயன்தாராவிற்கு ஹிட் ராசி இருப்பதால், ‘‘படத்தில் இனி எதையும் எக்ஸ்ட்ராவாக சேர்க்க வேண்டாம். இந்த ஆண்டே ரிலீஸ் செய்து விடலாம்’’ என க்ரீன் சிக்னல் காட்டியிருக்கிறாராம் சிம்பு.

*இந்திய லோக்சபாவிலேயே பஞ்சாபி எம்.பிக்கள் மொத்தம் 13 பேர்தான். ஆனால், கனடா பாராளுமன்றத்தின் கீழவைக்கு பதினேழு பஞ்சாபிகள் தேர்ந்தெடுக்கப்பட்டுள்ளனர். இதற்கிடையே கனடாவின் புதிய பிரதமர் ஜஸ்டின் ட்ரூடோ, சீக்கியர்களின் பாங்ரா நடனத்தை ஆடி அசத்தியது யூ டியூப்பில் ‘லிட்டில் பஞ்சாப்’ என வைரலாகியிருக்கிறது.

பீகார் தேர்தல் முடிவு எப்படியிருந்தாலும், சட்டீஸ்கர் முதல்வர் ராமன் சிங், ராஜஸ்தான் முதல்வர் வசுந்தரா ராஜே, மத்தியப்பிரதேச முதல்வர் சிவராஜ் சிங் சவுகான் ஆகிய மூவரையும் மத்திய அமைச்சரவைக்கு மாற்றும் திட்டத்தில் இருக்கிறார் பிரதமர் மோடி! காரணம், அங்கெல்லாம் இள ரத்தம் பாய்ச்ச வேண்டியிருக்கிறதாம்!

*‘தூங்காவனம்’ படத்தை டைரக்ட் செய்த வகையில் ராஜேஷ் எம்.செல்வா, கமலின் பிரிய வட்டாரத்தில் நுழைந்துவிட்டார். கமலின் அடுத்த படத்துக்கும்
அவரே டைரக்டர்!

*கடந்த நவம்பர் 2 அன்று ஷாருக் கானின் 50வது பிறந்தநாளுக்கு வாழ்த்துச் சொல்ல நடுராத்திரியில் ஷாருக் வீட்டுக்குப் போய் சர்ப்ரைஸ் கொடுத்தார் சல்மான் கான். இதனை, ஷாருக் ட்விட்டரில் ‘பிரேம் ரத்தன் தான் பாயோ’ என சல்மான் படப் பெயரையே போட்டு மெச்சியிருக்கிறார்

‘‘எங்கே பார்த்தாலும் ‘மேக் இன் இந்தியா’ சிங்கத்தையும் விளம்பரத்தையும் பார்க்க முடிகிறது. ஆனால், அந்த சிங்கத்தால் ஒரு வேலைவாய்ப்பைக் கூட கொடுக்க முடியவில்லை!’’ என பீகார் தேர்தல் பேரணியில் கர்ஜித்திருக்கிறார் ராகுல் காந்தி.

*தனுஷ் அடுத்து தயாரிக்கும் படத்திலும் விஜய் சேதுபதி நடிக்கிறார். ஜோடி நயன் - த்ரிஷா இருவருமே!