காசநோய் அறிகுறிக்கான பயோடேட்டா கண்டு தெளிவு பெற்றாலும், ‘அந்த நோய் வந்தால்...’ எனும் ‘பய’டேட்டாவைப் படித்து அதிர்ச்சியில் உறைந்து போனேன்!

‘தேசிய மாதிரிப் பள்ளிகள்’, ஏழை எளிய மாணவர்களின் கல்விக் கனவை நிர்மூலமாக்கும் திட்டம். எல்லாமே தனியார் மயமாகிப் போனால் சுதந்திர மும், ஜனநாயகமும் எதற்கு?

தனக்கு கோயில் கட்டுவதை விரும்பாமல், ஏழைகள் மீதும் ஆதரவற்றோர் மீதும் இரக்கம் காட்டச் சொல்லியிருக்கும் ஹன்சிகா, எங்கள் மதிப்பில் எவ்வளவோ உயர்ந்து விட்டார். உண்மையில் அவரே அன்பில் உயர்ந்து நிற்கும் டெம்பிள்!

கார்ட்டூன்கள் மூலமாக பார்த்துணர்தல் ஒரு குழந்தையின் வளர்ச்சிக்கு சிறு அளவு மட்டுமே உதவும் எனப் பெற்றோர்களுக்கு எச்சரிக்கை விடும்வண்ணம் அமைந்திருந்தது ‘அமுதமா விஷமா’ கட்டுரை!

சரக்கு உயர்ந்ததாய் இருந்தால் அச்சமோ,
அண்டிக் கொள்ள ஆதரவோ தேவையில்லை. பிரபு சாலமன் ‘தில்’லாய் இருப்பதும் அவரது திறமை மேல் கொண்ட தன்னம்பிக்கையால்தான்!

‘ராஜா ராணி’, ‘ஆரம்பம்’ படங்கள் ஹிட்டான சந்தோஷத்தை நயன்தாரா மனம் திறந்து வெளிப்படுத்தியிருக்க வேண்டாமா? பொத்தி வச்ச மல்லிகை மொட்டாக நயன் போட்டோவை வைத்த உம்ம
பேச்சு ‘கா’!

‘காதலி தன் காலடியில் கிடக்க வேண்டும் என்பதே ஆண்களின் நினைப்பு’ என பாலிவுட் நடிகை கங்கணா ரனாவத் விளாசியிருப்பது ரொம்ப ஓவர். ஆண்கள் எல்லாம் ராவணர்கள் இல்ல அம்மணி!

தூத்துக்குடி மாவட்ட குலசேகரப்பட்டினமே ராக்கெட் தளத்துக்கு உகந்த இடம் என்று தெரிந்தும் ‘இஸ்ரோ’, ஆந்திரா பக்கம் போயிருப்பது
மங்கள்யான் சாதனையைக் கூட மறக்கடிக்கும் அவலம்!

ஷங்கர்பாபு எழுதும் ‘வேலைக்குப் போகாதீர்கள்’ கட்டுரை, மிகவும் பயனுள்ள கருத்துகளையும், தன்னம்பிக்கையையும் தருகிறது. இத்தொடரை கத்தரித்து பாதுகாத்து பெட்டகத்தில் வைக்க வேண்டும்.

வழக்கொழிந்து வருகிற சிறுவர் இலக்கியத்தைப் பற்றி அனைவர் மனதிலும் உள்ள ஆதங்கத்தை எழுத்தாளர் யூமா வாசுகி, மனதில் பதியும் வண்ணம் சொல்லிவிட்டார்.