‘‘ஹலோ... போலீஸ் ஸ்டேஷனா? எங்க வீட்டுல வச்சிருந்த பத்தாயிரம் ரூபாய்ல எவனோ ஒன்பதாயிரம் ரூபாயை திருடிக்கிட்டுப் போயிட்டான் சார்!’’
‘‘அப்ப மீதி அந்த ஆயிரம் ரூபாய் எங்க மாமூல் பங்கா இருக்கும். அட்ரஸ் சொல்லுங்க... இப்ப வந்து வாங்கிக்கிறோம்!’’

‘‘ஏன் அந்த டாக்டர் கடுப்பா போறாரு..?’’
‘‘அட்மிட் ஆகி இருக்கும் நம்ம கட்சியினரை மனிதாபிமானத்தோடு டிஸ்சார்ஜ் செய்யச் சொல்லி தலைவர் கேட்டுக்கிட்டாராம்..!’’

‘‘கூட்டம் அதிகம் இருக்கற இடத்துலதான் தலைவர் பேசுவார்...’’
‘‘அதுக்காக எதிர்க்கட்சிக்காரங்க மீட்டிங்ல போய் பேசறது நல்லாவா இருக்கு..?’’

‘‘நம்ம போலீஸ் ஸ்டேஷன்ல எஸ்.ஐயும், ஏட்டும் அடிக்கடி கட்டிப் புரண்டு சண்டை போடுறாங்களே... ஏன்?’’
‘‘கபாலிக்கு சண்டைன்னா ரொம்பப் பிடிக்குமாம். அவனை குஷிப்படுத்தத்தான் அப்படிப் பண்றாங்க..!’’


‘‘அந்த பழைய பேப்பர் வியாபாரி பாவ மூட்டையைச் சுமக்கறார்னு ஏன் சொல்றே..?’’
‘‘தலைவருக்கு வந்த குற்றப் பத்திரிகைகளை எடைக்கு வாங்கிட்டுப் போறாரே...’’

ஸ்பீக்கரு...
ஷூக்களை எவ்வளவு வீசினாலும் தலைவர் தாங்கிக் கொள்வார். ஆனால் ஷூக்களின் உள்ளே துவைக்காத சாக்ஸை வைத்து மட்டும் வீசாதீர்கள் என அன்புடன் கேட்டுக் கொள்கிறோம்...’’

தத்துவம் மச்சி தத்துவம்
என்னதான் பெரிய குடிகாரரா இருந்தாலும், அவர் வீட்டு லைட் ஸ்விட்ச்சை ‘ஆஃப்’தான் பண்ண முடியும். ‘ஃபுல்’ பண்ண முடியாது.
- குவார்ட்டர் அடித்து மேட்டர் சொல்வோர் சங்கம்