தத்துவம் மச்சி தத்துவம்

‘‘நம்ம டாக்டர் பழசை மறக்க மாட்டார்...’’
‘‘அதுக்காக வாரத்துல ஒருநாள் வார்டு பாய் டிரஸ்ல வரணுமா..!’’
- அ.ரியாஸ், சேலம்.

‘‘தலைவருக்கு டாக்டர் பட்டம் குடுத்தது நல்லதாப் போச்சா... எப்படிச் சொல்றே?’’
‘‘மேடையில இப்பல்லாம் அரசியல் பத்தி பேசாம, ‘ஹெல்த் டிப்ஸ்’ சொல்றாரு..!’’
- ராம்ஆதிநாராயணன்,
தஞ்சாவூர்.


‘‘மாநில அளவுல அரசியல் பண்ணிக்கிட்டு இருந்த நம்ப தலைவர், இப்ப தேசியத் தலைவரா ஃபார்ம் ஆயிட்டார்...’’
‘‘எப்படிச் சொல்றீங்க?’’
‘‘இப்பல்லாம் அவரை வெளிமாநிலங்கள்லகூட திட்ட ஆரம்பிச்சிட்டாங்களே..!’’
- வி.ரேவதி, சென்னை-59.

ஆத்து மணலை பொக்லைன் வச்சித்தான் அள்ள முடியும். ஆன்லைன் மூலமா அள்ள முடியுமா?
- ஆத்தங்
கரையில் லைன் வீடு கட்டி விளையாடுவோர் சங்கம்
- டி.செல்வன், நெல்லையப்பபுரம்.

‘‘தலைவர் இப்பதானே கட்சி தாவி கார் வாங்கினார்... மறுபடி ஏன் கட்சி தாவறார்?’’
‘‘அந்தக் கார் பழசாயிடுச்சாம்..!’’
- பெ.பாண்டியன், காரைக்குடி.

என்னதான் ‘ஆயிரம்’கால் மண்டபமா இருந்தாலும், அதனோட ஆயிரம் கால்ல ஒரு காலையாவது வச்சு ஒரு அடி நடக்க முடியுமா?
- கால் டாக்சிக்கு காசில்லாமல் காலாற நடப்போர் சங்கம்
- வி.சகிதா முருகன்,
தூத்துக்குடி.

‘‘சார்... எங்க வீட்ல நேத்து வந்து திருடினவன் அங்க அடையாளம் சொல்லவா..?’’
‘‘தேவையே இல்லே... மாமூல் வந்துடுச்சு!’’
- டி.சேகர், திருத்துறைப்பூண்டி.