கண்களை இங்கிலீஷ்ல ‘ஐஸ்’னு சொல்றோம்... அதுக்காக அதுல வர்ற கண்ணீரை ‘ஐஸ் வாட்டர்’னு சொல்ல முடியுமா..?
- ஜில்லென்று கேள்வி கேட்டு சிந்திக்க வைப்போர் சங்கம்

‘‘முதுகில் ஒரு மச்சமும், வலது தொடையில் ஒரு மச்சமும் உள்ள, சற்றே மாநிறம் கொண்ட 24 வயது சாராஸ்ரீ என்கிற சரோஜாவுடன் ஆபாச வீடியோவில் இருப்பது நானல்ல என்பதை ஆணித்தரமாக தெரிவித்துக் கொள்கிறேன்...’’

‘‘அந்த சாமியாரை ஏன் ஊரை விட்டு துரத்தினாங்க..?’’
‘‘பவர்கட் சமயத்திலே ‘இருள்வாக்கு’ சொல்லி, பல ‘இதயங்களைத் திருடிட்டு’ப் போக இருந்தாராம்...’’

‘‘தலைவர் மைக்கைப் புடிச்சிக்கிட்டு பேசாம, வாயை மட்டும் அசைக்கிறாரே... ஏன்?’’
‘‘எதைப் பேசினாலும் அவதூறு வழக்கு போடறாங்களாம்..!’’

‘‘நம்ம தலைவர், நடைபயணத்துக்கு தொண்டர்களை செலக்ட் பண்ற லட்சணத்தைப் பாரு...’’
‘‘என்ன செய்தார்..?’’
‘‘ஒரு குவாட்டருக்கு எவ்வளவு மைலேஜ் குடுப்பேன்னு தொண்டர்கள்கிட்ட கேட்கறாரு!’’

‘‘இந்த ஜோசியர் விசேஷமானவர்னு எப்படிச் சொல்றே..?’’
‘‘கனவுல சமந்தா வந்தா என்ன பலன், ஹன்சிகா வந்தா என்ன பலன்னு கரெக்டா சொல்வாராம்!’’

‘‘எப்ப கைது பண்ணாலும், கையில காப்பு போடக் கூடாதுன்னு கபாலி சொல்றானே... ஏன் ஏட்டய்யா?’’
‘‘காப்புரிமை வாங்கி இருக்கானாம்..!’’