ஐஸ்கட்டியை எவ்வளவு நேரம் உற்று உற்றுப் பார்த்தாலும் சரி... அதுல எங்கே லீக் ஆகுதுன்னு யாராலும் கண்டுபிடிக்க முடியாது.
- எதையும் உன்னிப்பாக பார்ப்போர் சங்கம்

‘‘டாக்டர்... எனக்கு சுகரும், மனைவியும் ஒண்ணுதான்!’’
‘‘எப்படிச் சொல்றீங்க..?’’
‘‘ரெண்டையும் என்னால கன்ட்ரோல் பண்ண முடியலை டாக்டர்...’’

என்னதான் ஒருத்தன் ஓவர் ஸ்பீடுல பைக் ஓட்டிக்கிட்டுப் போனாலும், அவனுக்கு முன்னாலயும் ஒருத்தன் போயிட்டுத்தான் இருப்பான்.

‘‘தலைவரை கிரிக்கெட் டீம்ல சேர்த்துக்கிட்டா நல்லா விளையாடுவார்னு எப்படிச் சொல்றே..?’’
‘‘மேடையில அவர் மேல வீசுன செருப்பை ‘டைவ்’ அடிச்சு கேட்ச் பிடிக்கிறாரே...’’

‘‘எம்.பியோட சம்சாரம் டிவில அப்படி என்ன பாக்கறாங்க..?’’
‘‘வீட்ல அமைதியா இருக்கற இந்த மனுஷன், பார்லிமென்ட்ல எப்படி அமளி பண்றார்னு ஆச்சரியமா பாக்கறாங்க..!’’

என்னதான் கலாசார ஆர்வலர்னாலும், கல்யாணம் போன்ற விசேஷங்களுக்கு ‘பேன்ட்’ வாத்தியம்தான் வாசிக்கலாம். ‘வேட்டி’ வாத்தியமெல்லாம் வாசிக்க முடியாது!
- ஜால்ரா போன்ற பக்க வாத்தியங்கள் வாசித்து காரியம் சாதிப்போர் சங்கம்

‘‘உங்க உருவ பொம்மையை எரிச்சவங்களை
கண்டுபிடிச்சிட்டாங்க தலைவரே...’’
‘‘கண்டுபிடிச்சு..?’’
‘‘முதல்ல எரிச்சவனுக்கு ஒரு லட்சம் ரூபாய் பரிசு குடுத்திருக்காங்க..!’’