அடி

எங்களைக் கண்டால் எப்போதும் உங்களுக்கு அடிக்க மட்டுமே தோன்றுகிறதே... இருக்கும்போதும், இறந்தபின்பும்!- விலங்கின் தோல்

- ஆர்.தமிழ்ச்செல்வன், வேதாரண்யம்.

யார் கடவுள்

கோயிலில் சாமி கும்பிட்டு வெளியில் வந்தவனை கையெடுத்து கும்பிட்டான் பிச்சைக்காரன்!

- எஸ்.ஜெயகாந்தன், புன்செய் புளியம்பட்டி.

வகுப்பு

கோயிலில் சாமி கும்பிட்டு வெளியில் வந்தவனை கையெடுத்து கும்பிட்டான் பிச்சைக்காரன்!

- வைகை.ஆறுமுகம், வழுதூர்.

கருணை

தின்று பிழைத்துப் போ என்ற பெருந்தன்மையைத் தவிர கொஞ்சமும் கோபமில்லை வெட்டித் தனியே வைக்கப்பட்டிருந்த ஆட்டுத் தலையின் விரிந்த கண்களில்!

- தஞ்சை கமருதீன், தஞ்சாவூர்.

காணாமல் போனவர்கள்

கிராமம் நகரம் எங்கும் தொலைந்துகொண்டிருக்கிறார்கள் பேரன் பேத்திகளுக்கு கதை சொல்லும் பாட்டிகள்!

- பெ.பாண்டியன், காரைக்குடி.

உறுத்தல்

புது மெத்தை உறங்க விடவில்லை அதன் விலை!

- வீ.விஷ்ணுகுமார், கிருஷ்ணகிரி.