அதை அப்படியே முழு சினிமாவுக்கான கதையாக ரெடி பண்ணினால் எப்படியிருக்கும்; பாதிக்கப்பட்டவர் பழிவாங்க நினைத்தால் அதன் விபரீதங்கள் எப்படியிருக்கும்னு தோணுச்சு.

 

இதுல ஆச்சர்யம் என்னவென்றால் வில்லன் இராணுவ வீரனாக இருந்தவன். சிச்சுவேஷன் அவனை வில்லனாக மாத்துகிறது. மீண்டும் அந்த இருவர் சந்திக்கும்போது என்ன நடக்கும் என்பதுதான் கதை. 

முன்னாள் இராணுவ வீரர் பழிவாங்க நினைத்தால் அதன் உச்சக்கட்டம் எந்தளவுக்கு இருக்கும் என்பதையும், அதே மாதிரி ஹீரோ வேலைக்கு சேர்ந்ததுமே இரண்டு வருஷத்துக்கு முன் நடந்த சம்பவத்தை சந்திக்கும்போது வில்லனை ஜெயிச்சு எப்படி ஹீரோவாக மாறுகிறார் என்பதையும் விறுவிறு திரைக்கதையில் சொல்லியுள்ளேன்.

நேர்மையாக சொல்வதாக இருந்தால் இது அதர்வாவுக்கு எழுதிய கதை. அவரிடம்தான் முதலாவதாகவும் முழுவதுமாகவும்  கதை சொன்னேன். 

அதர்வா கதாபாத்திரத்தை ஈசியா சொல்வதாக இருந்தால் ‘பாணா காத்தாடி’யில் பார்த்த அதர்வா, சூழ்நிலைகாரணமாக போலீஸானால் எப்படியிருப்பாரோ அது மாதிரிதான் இதுல அவருடைய கேரக்டர் இருக்கும். ஹீரோவாக எந்த இடத்திலும் தெரியமாட்டார். கேரக்டராக மட்டுமே தெரிவார். 

பிறக்கும்போது யாரும் ஹீரோவாக பிறப்பதில்லை. சிச்சுவேஷன்தான் ஒருவரை ஹீரோவாக மாத்தும்னு பெரியவங்க சொல்வாங்க. அதுமாதிரி ஒரு சிச்சுவேஷன்ல ஹீரோவா மாறுவார்.

படத்தோட இன்னொரு அட்ராக்‌ஷன் வில்லனாக வரும் அஸ்வின் காகுமனு. அவரை இந்த கோணத்துல யாரும் ஏன் யோசிக்கவில்லைனு தெரியவில்லை. வில்லன் கேரக்டருக்கு அவரை செலக்ட் பண்ணும்போது எல்லோரும் அவர் லவ்வர் பாய் கேரக்டர் பண்ணக்கூடியவர். எப்படி இருப்பார்னு சந்தேகத்தை கிளப்பினார்கள். அஸ்வினுக்கும் அந்த தாட் இருந்துச்சு. 

அவரை கன்வின்ஸ் பண்ணதும் புரிஞ்சுகிட்டார். அவர் பற்றி சொல்வதாக இருந்தால் ஒரு விஷயம் சொல்லணும். முதல் முறை சந்திச்சு கதை சொல்லும்போது அவர் கேரக்டர் எப்படி இருக்கணும்னு சொன்னேன். அதன்பிறகு அவர் படம் முடியும்வரை தன்னுடைய கேரக்டர் பற்றி எந்த சந்தேகமும் கேட்காமல் நடித்துக்கொடுத்தார். அப்படியொரு ஆயத்தத்துடன் வருவார்.

ஆமா, அப்படியொரு நியூஸ் வந்ததை நானும் கேள்விப்பட்டேன். அது முற்றிலும் தப்பு. எந்த இடத்திலும் நான் அப்படிச் சொல்லவில்லை. இந்தியாவிலேயே அத்தனை ஹீரோயின்கள் இல்லை.