பொதுவாக ஓட்டப்பந்தயம் மாதிரியான விளையாட்டுகளில் ஈடுபடுபவர்கள் குறிப்பிட்ட வயதில் ஓய்வு பெற்றுவிடுவார்கள். பெரும்பாலும் முப்பதிலிருந்து முப்பத்தைந்துக்குள்ளேயே ஓய்வை அறிவித்துவிடுவார்கள். 

உலகப்புகழ் பெற்ற ஓட்டப்பந்த வீரரான உசேன் போல்ட் கூட 31 வயதிலேயே ஓய்வு பெற்றுவிட்டார். ஓய்வுக்குப் பிறகு அவர்கள் நட்பு ரீதியாக நடக்கும் ஓட்டப்பந்தயங்களில் கூட பெரிதாகக் கலந்துகொள்வதில்லை என்பது குறிப்பிடத்தக்கது. 

இவர்களிலிருந்து முற்றிலும் வித்தியாசமானவர், எம்மா மரியா மசேங்கா. 100 வயதை நெருங்கிக் கொண்டிருக்கும்போது கூட ஓட்டப்பந்தயங்களில் பல சாதனைகளைப் படைத்து வருகிறார். 

ஆரோக்கியம்தான் வயதான காலத்திலும் நல்ல வாழ்க்கையை வாழ்வதற்கு உதவுகிறது. அதாவது, யாருடைய உதவியும் இல்லாமல் இளம் வயதினரைப் போல நடமாடுவதற்கும், மனத் தெளிவுடன் இருப்பதற்கும் உடல் ஆரோக்கியம் மிகவும் முக்கியம்...’’ என்கிற எம்மா, இத்தாலியில் பிறந்து வளர்ந்தவர்; வேதியியல் துறையில் ஆசிரியையாக இருந்து ஓய்வு பெற்றவர். 

வயதாகும்போது உடல் திறன் எப்படி மாற்றமடைகிறது, 90 வயதிலும் 20 வயதைப் போல எப்படி ஓட முடிகிறது என்பது குறித்த ஆராய்ச்சிக்கு உதவும்படி எம்மாவிடம் கேட்டுக்கொண்டது அந்த ஆராய்ச்சிக் குழு. எம்மாவும் ஆராய்ச்சிக்கு முழு மனதுடன் சம்மதித்தார். 

முதல் ஆராய்ச்சியாக எம்மா சைக்கிளிங் செல்லும் போதும், முழங்கால் உடற்பயிற்சிகளைச் செய்யும்போதும் அவரது உடல் எப்படி இயங்குகிறது என்று பரிசோதனை செய்தனர். பரிசோதனை முடிவுகளில் அவரது உடல் இளம் வயதினரைப் போல இயங்குகிறது என்று தெரிய வந்தது. 

தொடைப்பகுதியின் பயாஸ்பி சோதனை முடிவில் அவருடைய தசைப்பகுதியும் இளம் வயது பெண்களைவிட, கூடுதல் சக்தியுடன் இருப்பது தெரிய வந்திருக்கிறது. எம்மாவின் தசை இயக்கம் 20 வயதுடையவர்களின் தசை இயக்கத்துக்கு இணையானது என்று அந்த ஆராய்ச்சியாளர்கள் கண்டுபிடித்துள்ளனர். அதனால் தான் 90 வயதுகளிலும் எம்மாவால் மிக வேகமாக ஓட முடிகிறது.

பதின்பருவத்திலேயே ஓட்டப்பந்தய வீராங்கனையாக அறியப்பட்டவர், எம்மா. ஓட்டப்பந்தய வீராங்கனையாக வேண்டும் என்பதுதான் அவரது கனவு. 

முப்பது வருடங்கள் கழித்து, அதாவது, தனது 53 வயதில் மீண்டும் ஓடத் தொடங்கினார் எம்மா. தனது முன்னாள் குழுவினருடன் இணைந்து ஓடுவதற்காக பயிற்சிகளை எடுத்துக்கொண்டு, போட்டியில் கலந்துகொண்டார். 

இன்று வரை ஓடிக்கொண்டே இருக்கிறார். ‘‘திருமணத்துக்கு முன்பு எந்த ஒரு நாளையும் முழுவதுமாக வீட்டுக்குள்ளேயே நான் கழித்தது இல்லை. ஓட்டப்பந்தயம் எனக்கு நிறைய கொடுத்திருக்கிறது. என்னுடைய வாழ்க்கையைக் காப்பாற்றியது அதுதான். 

தவிர, இடைவிடாத உடற்பயிற்சி முதிய வயதிலும் ஆரோக்கியமான உடலைத் தக்க வைப்பதற்குப் பேருதவி செய்வதாகச் சொல்கிறார் எம்மா. மட்டுமல்ல; 70 வயதுக்கு மேலான பல ஓட்டப்பந்தய வீரர்கள் எல்லாம் தாமதமாகத்தான் உடற்பயிற்சி செய்ய ஆரம்பித்திருக்கின்றனர். 

அதனால் உடற்பயிற்சியை ஆரம்பிக்க வயது ஒருபோதும் பிரச்னையில்லை என்கின்றனர் அந்த ஆராய்ச்சியாளர்கள்.  எம்மா கூட 40 வயதுக்கு மேல்தான் உடற்பயிற்சியை ஆரம்பித்திருக்கிறார். ஆனால், இடைவிடாமல் தொடர்ச்சியாக உடற்பயிற்சியைச் செய்ததுதான் அவரது ஆரோக்கியத்தின் ரகசியம்.