நம் இந்திய எல்லைப் பாதுகாப்புப் படையில்கூட ஒட்டகப் பிரிவு உள்ளது. 

ராஜஸ்தானிலுள்ள இந்திய - பாகிஸ்தான் எல்லையில் ரோந்துப் பணியில் ஈடுபடுவது இந்தப்

இந்த இருநாடுகளுக்கும் இடையேயான எல்லை சுமார் 2,262 கிலோ மீட்டர் தூரமாகும். இந்த எல்லையின் வழியாக ஜிஹாதிகள் மவுரித்தேனியா நாட்டிற்குள் ஊடுருவுவதாகச் சொல்லப்படுகிறது. மாலியும், அதன் அண்டை நாடான புர்கினா பாசோ, நைஜரும் தீவிரவாதத்தால் பாதிக்கப்பட்ட நாடுகள். 

இந்தப் பாதிப்பை மவுரித்தேனியாவும் எதிர்கொண்டது.குறிப்பாக 2005ம் ஆண்டு முதல் ஜிஹாதிகளின் அச்சுறுத்தல் தொடர்ந்தது. இதனைத் தடுக்க அந்தப் பாலைவனப் பகுதியில் கண்காணிப்பு அவசியமானது. ஆனால், இதற்கு வாகனங்களைப் பயன்படுத்த முடியாது. இந்நிலையில்தான் பாலைவனக் கப்பல் என வர்ணிக்கப்படும் ஒட்டகங்களைப் பயன்படுத்த முடிவெடுத்தது மவுரித்தேனியா அரசு.

மவுரித்தேனியா, ஃபிரான்ஸ் ஆதிக்கத்தின் கீழிருந்தபோதே அங்கே 1912ம் ஆண்டு ஒட்டகப்படை நிறுவப்பட்டுவிட்டது. இதற்கு ‘மெஹரிஸ்ட்’ என்று பெயர். மெஹரிஸ்ட் என்றால் ஃபிரஞ்சு மொழியில் ஒட்டகப்படை என்று அர்த்தம். இந்நிலையில் எல்லைப் பகுதியைக் கண்காணிக்க பாலைவனப் பகுதியில் வசிக்கும் நாடோடி குழுவைச் சேர்ந்தவர்களைத் தேர்ந்தெடுத்தது அரசு.

குறிப்பாக பெடோயின் மற்றும் துவாரெக்குகள் என்கிற பழங்குடியினரிடம் இருந்து ஆட்கள் எடுக்கப்படுகின்றனர். காரணம், இந்தப் பழங்குடிகள் பாலைவன நிலப்பரப்பு பற்றி நன்கு அறிந்தவர்கள். கூடவே ஒட்டகங்களைக் கையாளுவதில்நிபுணத்துவம் கொண்டவர்கள். 

பின்னர் இவர்களுக்குப் பயிற்சி அளித்து தொலைதூர மற்றும் அணுக முடியாத பகுதிகளில் நிலைநிறுத்தி கண்காணிப்பைப் பலப்படுத்தியது.இதனால் 2011ம் ஆண்டுக்குப் பிறகு ஜிஹாதிகளின் தாக்குதல்களிலிருந்து தப்பியது மவுரித்தேனியா. இன்று தேசிய கண்காணிப்புப் பிரிவில் ஒன்றாக விளங்கும் இந்த நாடோடிக் குழு 150 வீரர்களையும் 400 ஒட்டகங்களையும் கொண்டு செயல்படுகிறது.