இந்த விவாதம்தான் கடந்த சில நாட்களாக அரசியல் விமர்சகர்கள் மத்தியிலும் சமூகவியல் ஆய்வாளர்கள் இடையிலும் அரங்கேறி வருகிறது.காரணம், கடந்த மார்ச் 18ம் தேதி, இந்திய தேர்தல் ஆணையம், வாக்காளர் அடையாள அட்டையை ஆதாருடன் இணைப்பதற்கான பணிகளைத் தொடங்கியுள்ளதாக அறிவித்ததுதான். 

தலைமைத் தேர்தல் ஆணையர் தலைமையிலான கூட்டத்தில், உள்துறை செயலாளர், தகவல் தொழில்நுட்பம் மற்றும் மின்னணுவியல் செயலாளர் மற்றும் ஆதார் ஆணையத்தின் தலைமை அதிகாரி அடங்கிய உயர்மட்டக் குழு பங்கேற்றது. இக்கூட்டத்தில்தான் இந்த முடிவு எடுக்கப்பட்டதாக அறிவிக்கப்பட்டுள்ளது.

ஆனால், இதற்கு முன்பே கடந்த மூன்று ஆண்டுகளாக இந்தப் பணிகள் மேற்கொள்ளப்பட்டு வருகின்றன. இது குறித்து கருத்து தெரிவித்த காங்கிரஸ் கட்சியின் தலைவர்கள், அனைத்து அரசியல் கட்சிகள் மற்றும் துறைசார் நிபுணர்களுடன் கலந்தாலோசித்து பாதுகாப்பு அம்சங்கள் மற்றும் அரசியலமைப்பு விதிகளுக்கு உட்பட்டு இந்த முடிவை எடுத்திருக்க வேண்டும் எனக் கூறுகின்றனர்.

ஆனால், 2023ம் ஆண்டு தேர்தல் ஆணையம், தேர்தல் பட்டியலை இறுதி செய்யும் பணியில் கிட்டத்தட்ட 66.23 கோடி ஆதார் அட்டைகளை பதிவேற்றம் செய்துள்ளதாக உச்ச நீதிமன்றத்தில் வாக்குமூலம் அளித்தது. இவர்கள் அனைவரும் தாமாக முன்வந்து தகவல்களை அளித்தவர்களா என்ற கேள்வியை அரசியல் பார்வையாளர்கள் எழுப்புகிறார்கள். 

உச்ச நீதிமன்றத்தின் உத்தரவு வரும் முன்பே வங்கிகள் ஆதாரை வங்கி கணக்குகளுடன் கட்டாயமாக இணைத்ததைப் போலவே, தேர்தல் ஆணையமும் இதைக் கட்டாய நடவடிக்கை மூலம் நிறைவேற்றும் என்கிறார்கள்.

இந்த 104 பேரில் பெரும்பாலானோர் வாக்காளர் பதிவு மற்றும் தேர்தல்களை நடத்துவதில் நேரடி அனுபவம் கொண்டவர்கள் என்பது குறிப்பிடத்தக்கது. இப்படிப்பட்ட பின்னணி கொண்ட 104 பேரும் இதை ஒரு ‘ஆபத்தான நடவடிக்கை’ என்று அந்த அறிக்கையில் சுட்டிக்காட்டியுள்ளனர்.

அத்துடன் வாக்காளர் அடையாள அட்டைகளுடன் ஆதார் இணைப்பை கட்டாயப்படுத்தும் நடவடிக்கையானது மோசமான விளைவுகளை ஏற்படுத்தும் மற்றும் மாநிலங்களால் தவறாகப் பயன்படுத்தப் படக்கூடும் என்றபடி பல காரணங்களை அவ்வறிக்கை அடுக்குகிறது.

5. வாக்காளர் அட்டைகளுடன் ஆதார் எண்களை இணைப்பது, வாக்காளர்களை அடையாளம் காணவும், அவர்களை குறி வைக்கவும் உதவும். இந்த அட்டைகள் பிறகு மொபைல் எண்களுடன் இணைக்கப்படுவதற்கான வாய்ப்பும் உள்ளது. 

நமது நாட்டில் வலுவான தரவுப் பாதுகாப்பு சட்டம் இல்லாத நிலையில், வாக்காளர்களின் விவரங்களை சட்டவிரோதமாக சேகரித்து, அதன் அடிப்படையில் வாக்காளர் பட்டியலில் இருந்து நீக்கவும், புதிதாக சேர்க்கவும் என அனைத்து தில்லுமுல்லுகளும் நடக்கும்.

நலத்திட்டங்களுக்கு மட்டுமே ஆதாரைப் பயன்படுத்தப் போவதாக முதலில் அறிவித்தனர். பிறகு பான் கார்டு, ரேஷன் கார்டு, வங்கிக் கணக்கு, மின் இணைப்பு, மொபைல் எண், சமையல் கேஸ் என ஒவ்வொன்றாக இணைக்க வைத்து இப்போது தேர்தல் அடையாள அட்டையையும் இணைக்கச் சொல்கின்றனர்.

ஆதாரை வங்கிக் கணக்குகளுடன் இணைக்க வேண்டும் என்று வலியுறுத்தியபோது, தமிழகத்தின் தேவ சகாயம் உள்ளிட்ட சிலர் இதை எதிர்த்து வழக்கு தொடுத்தனர். இதை விசாரித்த உச்ச நீதிமன்றம் இப்படி இணைப்பது அரசியலமைப்புக்கு விரோதமானது எனத் தீர்ப்பளித்தது.

வாக்காளர் அட்டையை ஆதாருடன் இணைப்பது அரசாங்கத்தை தேர்ந்தெடுக்கும் குடிமக்களின் அடிப்படை ஜனநாயக உரிமையை பறிக்கக் கூடும். எனவே, இது அரசியலமைப்புக்கு இரட்டிப்பு விரோதமானது எனக் கூறலாம். இது இந்தியாவின் தேர்தல் முறையில் எஞ்சி இருக்கும் ஜனநாயக உரிமையையும் முடிவுக்குக் கொண்டு வரும்.

தேர்தல் ஆணையத்தையும் மின்னணு வாக்குப்பதிவு இயந்திரத்தையும் வைத்து விளையாடியதன் மூலம்தான் மூன்றாவது முறையாக மோடி ஆட்சி கட்டிலில் அமர முடிந்தது என எதிர்க்கட்சிகள் குற்றம்சாட்டி வருகின்றன. இச்சூழலில் இப்படியொரு நிகழ்வு அரங்கேறுகிறது.