வருவேன்... பழைய RGV ஆக திரும்ப வருவேன்!

ராம் கோபால் வர்மா... இந்தப் பெயரைக் கேட்டாலே ஒரு காலத்தில் இந்திய சினிமா ஆர்ப்பரிக்கும். இந்தி ‘சர்கார்’, ‘சர்கார் ராஜ்’, ‘சர்கார் 3’ என பொலிடிக்கல் ட்ரையாலஜி, ‘சத்யா’, ‘கம்பெனி’, ‘டி’ என கேங்ஸ்டர் படங்களால் இந்திய சினிமாவை அதிர வைத்த மாஸ் இயக்குநர். இன்று அப்படியே தலைகீழ். பி கிரேட் படங்கள், அதீத கவர்ச்சி, தினமொரு கருத்து, அதன் மூலம் இணைய கலகம் என மனிதர் வேறு ஒரு நபராக மாறிவிட்டார்.

என்னாச்சு..?

Zone out... இதுதான் சரியான வார்த்தையா இருக்கும்னு நினைக்கிறேன். என்னுடைய பாதையில் இருந்து விலகி வேற ஸோனுக்கு போயிட்டேன். ஆனா, திரும்ப வரணும். அதுக்குதான் அடுத்தடுத்து சில கதைகள் எழுதிட்டு இருக்கேன். மேலும் இந்த ‘சாரி’ (Saree) படம் கூட நான் கதை கொடுத்து கிரி கிருஷ்ண கமல் இயக்கியிருக்கார். கதை, தயாரிப்பு மட்டும்தான் என்னுடைய பார்ட்.

‘சாரி’... எதனால் இந்தப் பெயர்?  

பெண்களுக்கு எதிரா இந்தியாவில் என்ன குற்றம் நடந்தாலும் முதலில் கை காட்டுறது அவங்க உடையைத்தான். உண்மையில் உடைக்கும் இதுக்கும் சம்பந்தமே கிடையாது.
இன்னும் சொல்லப்போனால் இந்திய கலாசாரத்தின் அடையாளமா சொல்லப்படுகிற புடவைதான் இருக்கும் அத்தனை உடைகளைக் காட்டிலும் கவர்ச்சியான உடை.
ஆனா, அதை உடுத்தினால் நாங்கள் கையெடுத்து கும்பிடுவோம் அப்படின்னு போலி நாடகம் ஆடறாங்க.

இந்த முகத்தை கிழிக்கணும்னு நினைச்சுதான் இந்தக் கதையை எழுதினேன்.புடவை மட்டுமல்ல... பெண்களைத்தானே இந்திய கலாசாரத்தின் அடையாளமாக சொல்கிறார்கள்?அது மாறணும். உன்னுடைய குடும்ப கவுரவத்தையும், கலாசார கற்பிதங்களையும் ஏன் இன்னொரு பாலினத்தின் மேல் புகுத்தி அவர்களை நீ சொல்லும் அல்லது நீ எழுதிய கட்டுப்பாடுகளுக்கு ஏத்த மாதிரி வாழணும்னு நினைக்கிற?

எந்த ஜீவராசிகளிலும் இல்லாத பழக்கம் இது. ஒருவேளை ஒரு பொண்ணு அவளுக்குப் பிடிச்ச மாதிரி வாழ நினைச்சா அவள் குணத்தின் மேல கேள்வி கேட்கிறது... இதெல்லாம் எப்படி, எங்கே ஆரம்பிச்சது என்கிறது கூட தெரியல. மோசமான மிருகம் மனிதன்தான். உங்கள் படங்களிலேயே நீங்கள் பெண்களை போகப் பொருளாக அல்லது காமத்தின் அடையாளமாகத் தானே காட்டுறீங்க?

பெண்களின் அழகு கொண்டாடப்பட வேண்டிய ஒன்று. திரையில், நேரில், அவளை எந்த வகையிலும் இடையூறு செய்யாமல் அதற்குச் சிறப்பு சேர்க்கணும் என்கிறதுதான் என்னுடைய எண்ணம். பெண்ணின் அழகு அவளை இடையூறு செய்யாமல் ரசிக்க, கொண்டாட மட்டுமே. டீசிங், வன்முறை, தாக்குதல்... இதற்கெல்லாம் கிடையாது. அவளுக்கு நட்பு ரீதியா கை குலுக்கக் கூட அவள் அனுமதி தேவை.திரையில் அத்தனை கவர்ச்சியும் காட்டி பிறகு கருத்து சொல்லும் போது அது எடுபடுமா?

இப்படிக் கேள்விகள் கேட்டு கதை எழுத ஆரம்பிச்சா வாரத்துக்கு ஒரு படம் கூட வராது. இதுதான் ஸ்ட்ரக்சர்ன்னு இங்கே மார்க்கெட் உருவாக்கப்பட்டிருக்கு. அதைத் தாண்டி நாம புதிதா செய்யும்போது அதில் அதிகபட்சம் புரட்சி இருக்கும். ஆனால், வருமானம் இருக்காது. நிச்சயம் இந்த நிலை மாறும் பொழுது  கதை மாந்தர்களும் மாறிடுவாங்க. என்னையும்
சேர்த்துதான் சொல்றேன்.

‘சாரி’ படம் எதைப்பற்றி பேசப்போகிறது?