சமீபத்தில் அமெரிக்காவின் ‘டைம்’ பத்திரிகையால் 2025ம் ஆண்டிற்கான உலகின் சிறந்த பெண்மணிகள் பட்டியலில் இடம்பிடித்து இந்தியாவிற்குப் பெருமை சேர்த்துள்ளார் அசாமைச் சேர்ந்த பூர்ணிமா தேவி பர்மன். 

பெருநாரை இனத்தை அழிவிலிருந்து பாதுகாத்தமைக்காக இந்த அங்கீகாரம் அவருக்குக் கிடைத்துள்ளது. இதனால் உலகம் முழுவதும் பெரும் கவனத்தை ஈர்த்து வைரலாகிவிட்டார் பூர்ணிமா தேவி பர்மன். தற்போது அவர் செய்த மற்றும் செய்து வருகின்ற பணிகளும், செயல்திட்டங்களும் பலரையும் பாராட்ட வைத்துள்ளன.

ஆனால், இன்றோ மூன்றே மூன்று பகுதிகளில்தான் அதன் இனப்பெருக்க வாழ்விடங்களே உள்ளன. இதில் இரண்டு பகுதிகள் இந்தியாவினுள்ளும், ஒன்று கம்போடியாவிலும் இருக்கின்றன.

இதனால் ஏதும் செய்யமுடியாது திணறிய பூர்ணிமா, மேற்கொண்டு எதையும் பேசாமல் அங்கிருந்து அமைதியாக நகர்ந்துவிட்டார். ஆனால், இங்கிருந்துதான் அவர் பெருநாரை இனத்தைக் காக்க வேண்டுமென தீர்மானித்தார். 

‘ஹர்கிலா ஆர்மி’ என்ற அமைப்பைத் தொடங்கினார்.அசாமில் பெருநாரைக்கு ஹர்கிலா என்று பெயர். இதற்கு எலும்பு விழுங்கும் உயிரினம் என்று அர்த்தம். இவை குப்பை மேடுகளுக்கு அருகே காணப்படுவதால் இந்தப் பெயரைச் சூட்டி அழைக்கின்றனர் அசாமிய மக்கள்.

இந்த ஹர்கிலா ஆர்மியில் வனவிலங்குகளையும் இயற்கையையும் காக்க நினைக்கும் அர்ப்பணிப்புள்ள பெண்களை இணைத்தார். பெருநாரையைக் காக்கும் பெண்களாலான இந்த ராணுவப் படையை அடிமட்டத்திலிருந்து வளர்த்தெடுத்தார். 

இவர்கள் வழியே பெருநாரை பற்றிய தப்பான எண்ணங்களை மக்களிடையே மாற்றினார்.அதைக் காக்க வேண்டியதன் அவசியத்தையும் முக்கியத்துவத்தையும் எடுத்துரைத்தார். அவை குப்பை மேடுகளில் வாழ்வதால்தான் அவற்றை தவறான எண்ணத்துடன் அணுகுகின்றனர் என்பதை உணர்ந்து அதன் வாழ்விடங்களைச் சுத்தப்படுத்தினார்.

ஆரம்பத்தில் கிண்டலும் கேலியும் செய்தவர்கள் பிறகு மெல்ல மெல்ல புரிந்துெகாள்ளத் தொடங்கினர். தொடர்ந்து நிறைய விழிப்புணர்வுகள் செய்து பெருநாரையைப் பரவலாகக் கொண்டு சேர்த்தார். இன்று பூர்ணிமாவின் ஆர்மியில் 20 ஆயிரம் பெண்கள் உள்ளனர். அவரின் நெட்வொர்க் என்பது அசாமில் மட்டுமல்ல. 

இந்தியா, கம்போடியா முழுவதிலும் இருக்கின்றன.ஆரம்பத்தில் இப்பகுதியில் 450 பெருநாரைகள் எஞ்சியிருப்பதாகக் கணக்கிடப்பட்டிருந்தது. 2023ம் ஆண்டில் அவற்றின் எண்ணிக்கை 1800க்கும் அதிகமாக உயர்ந்தது. இதற்கு பூர்ணிமா மற்றும் அவரின் ஆர்மியே காரணம்.