‘‘மலையாளிகளும் தமிழர்களும் ஒரு தாய் மக்கள். இது என்னுடைய பார்வை மட்டுமல்ல, வரலாறும் அப்படிதான் கூறுகிறது. நிலப்பரப்பிலும் இவ்விரு மாநிலங்களும் சேர்ந்தே இருந்தன. கலாசாரம், பழக்க வழக்கங்கள், வீரம் என எல்லாமே ஒரு தாய் மக்கள் என்பதை காண்பித்துள்ளன. 

இந்தியாவில் சாதிய பாகுபாடு அதிகமா இருந்த மாநிலங்களில் கேரளாவும் ஒன்று. இதை எளிதில் மறக்க முடியாது. சுவாமி விவேகானந்தாவும் அந்தக் கொடுமைகளைக் குறித்து பதிவு செய்திருக்கிறார்.

சினிமா என்பது பொழுது போக்கு என்பதைத்தாண்டி கலாசாரம், பண்பாடு, தலைவர்களின் தியாகம், மண்ணின் வரலாறு கலந்ததாக இருக்க வேண்டும். 

பல உலக சினிமாக்களில் இதைப் பார்க்க முடியும். அப்படி நம்மைப் பற்றி சொல்ல வேண்டியவை நிறையவே இருக்கு. அந்த முயற்சிதான் ‘வீர வணக்கம்’...’’ மலையாளம் கலந்த தமிழில் நீண்ட விளக்கம் கொடுத்தபடி பேச ஆரம்பித்தார் இயக்குநர் அனில் வி.நாகேந்திரன்.

அங்குள்ள பெரிய மனிதர் பரத். 

அவர் சாதி, மதம் பார்க்காமல் எல்லோரிடமும் முற்போக்கு சிந்தனையுடன் பழகுகிறார். அப்பாவி மக்களை அரணாக இருந்து பாதுகாக்கிறார். கலக்கத்தில் இருக்கும் அந்த மக்களிடம் தைரியத்தை வரவழைப்பதற்காக சுதந்திரப் போராட்டத் தியாகியான அவருடைய தாத்தாவின் தியாகத்தைச் சொல்ல ஆரம்பிக்கிறார்.

அங்கு 97 வயதான அந்த மூதாட்டி 1940களில் தன்னுடைய போராட்ட அனுபவத்தை பகிர்ந்து கொண்டதோடு, பாதிக்கப்பட்ட மக்களுக்கு கிருஷ்ணபிள்ளை எப்படி விடுதலை வாங்கிக் கொடுத்தார் என்பதையும் சொல்கிறார். 

அதைக் கேட்டதும் பரத், அவருடன் வந்த ஊர் மக்கள் தைரியம் அடைகிறார்கள். ஊர் திரும்பும் காதலர்கள் பிரச்னைகளைக் கடந்து எப்படி ஒன்று சேருகிறார்கள் என்பதை எல்லோரும் ரசிக்கும்படி ஜனரஞ்சகமாகச் சொல்லியுள்ளேன்.

என்னுடைய முதல் படம் ‘வசந்தத்தின்டே கனல் வழிகள்’. அதில் சமுத்திரக்கனியை நாயகனாக அறிமுகம் செய்தேன். அந்தப் படத்துக்குப் பிறகு அவருக்கு மலையாளத்திலும் பெருமளவுக்கு ரசிகர்கள் கூட்டம் உருவாகியது. 

எங்கே போனாலும் தோழர்... தோழர்... என கூப்பிட ஆரம்பித்தார்கள். கட்சிப் பாகுபாடு இல்லாமல் பழக ஆரம்பித்தார்கள். பலர் என்னிடம் கிருஷ்ண பிள்ளை பயோபிக் ஏன் பண்ணவில்லை என்று கேட்டார்கள். அதுமட்டுமல்ல, கிருஷ்ண பிள்ளையின் மனைவி தமிழ்நாட்டைச் சேர்ந்தவர். அந்தவகையில் இது தமிழ்நாட்டின் கதை என்றும் சொல்லலாம்.

கேரளாவிலும் கிருஷ்ண பிள்ளை பயோபிக் மீது ஆர்வமாக இருந்தார்கள். ஆனால், மலையாளத்தில் எடுக்காமல் தமிழில் எடுக்கலாம் என்று முடிவு பண்ணி சமுத்திரக்கனியைத் தொடர்பு கொண்டேன். 

அவரும் ஆர்வத்துடன் நடிக்க வந்தார். கனி சார் சிறந்த நடிகர் என்பது அனைவருக்கும் தெரியும். இதுல அவருடைய வேறொரு பரிமாணத்தைப் பார்க்கலாம். வழக்கமாக கனி சார் நிறைய பேசுவார்ன்னு விமர்சனங்கள் வரும். இதுல அவருடைய பேச்சு இடிமுழக்கம் மாதிரி கதாபாத்திரத்துக்கு வலு சேர்க்கும் விதமாக இருக்கும்.

பரத் தன் வயதுக்கு மீறிய மெச்சூரிட்டியான கேரக்டர்ல வர்றார். மற்ற ஹீரோக்களாக இருந்தால் நோ சொல்லியிருப்பாங்க. இப்போதுள்ள ரொமான்ஸ் இமேஜை மாத்தி அப்பா ரோலில் நடித்தார். அவர் இந்தக் கேரக்டரில் நடிக்க காரணம் அவருடைய ரோல் அந்தளவுக்கு பவர்ஃபுல். 

97 வயதான புரட்சிப் பாடகி பி.கே.மேதினி அம்மா, தேசிய விருது நடிகை சுரபி லட்சுமி, சித்திக், ‘நாடோடிகள்’ பரணி, ரித்தேஷ், அரிஸ்டோ சுரேஷ்,  ரமேஷ் பிஷாரடி, ஐஸ்விகா, ஆதர்ஷ், சித்தாங்கனா ஆகியோர் முக்கியமான வேடங்களில் நடித்துள்ளார்கள்.