தமிழ் to மலையாளப் படங்களுக்கும்... சுட்டி டிவி, கொச்சு டிவி கார்ட்டூன்களுக்கும் டப்பிங் கொடுத்தவர்...

இன்று நடிகராக ஜொலிக்கிறார்..!

சிலரின் முகம் அடிக்கடி பார்த்ததாக இருக்கிறதே எனத் தோன்றும் அல்லவா! அப்படி ஒரு பரிச்சயமான முகம் நடிகர் கலேஷ் உடையது. சமீபத்தில் வெளிவந்த ‘காதல் என்பது பொதுவுடைமை’ படத்தின் ஹீரோ இவர். அதுமட்டுமல்ல. ‘தனி ஒருவன்’ படத்தில் அரவிந்த்சாமியின் மருந்து மோசடியைக் கண்டுபிடிக்கும் அபிநயாவின் காதலராக, குமார் கேரக்டரில் நமக்கு ஏற்கனவே பரிச்சயமானவர். அடுத்து, ‘கார்கி’ படத்தில் சாய் பல்லவியின் லவ்வராக வந்து கவனம் ஈர்த்தார்.  

இதேபோல் மலையாளத்தில், ‘ஹிருதயம்’ படத்தில் செல்வா என்ற முக்கிய கதாபாத்திரத்தில் நடித்து அசத்தினார். தவிர, தமிழிலிருந்து மலையாளத்திற்கு மொழியாக்கம் செய்யப்படும் பல படங்களுக்கு நம் ஹீரோக்களுக்கு டப்பிங் வாய்ஸ் கொடுத்து வருபவரும் கலேஷ்தான். இப்போது நடிகராக ஜொலிக்கிறார். இத்துடன் சென்னை ‘கூத்துப்பட்டறை’, ‘ஏவம்,’ ‘ஓவியம்’ போன்ற முக்கியமான நாடகக் குழுக்களால் வார்த்தெடுக்கப்பட்ட இளைஞர் என்ற அடையாளமும் கலேஷிற்கு உண்டு.